Gamiton an Mabuhay nin Maugma Sagkod Pa Man! Para Pakusugon an Pagtubod ki Jehova Asin ki Jesus

Para mapaugma an Diyos, an mga tinutukduan sa Bibliya dapat na magkaigwa nin makusog na pagtubod. (Heb 11:6) Puwede tang maabot an saindang puso gamit an librong Mabuhay nin Maugma Sagkod Pa Man! An librong ini na ginagamit sa pag-adal nagtatampok nin mahalagang mga teksto, malinaw na pangangatanusan, epektibong mga hapot, nakakapahirong mga video, asin magagayon na artwork. Paagi sa pagtabang sa mga tinutukduan na magkaigwa nin Kristiyanong mga kuwalidad asin nin relasyon sa Diyos, nagtutugdok kita gamit an dai nasusulong mga materyales.—1Co 3:12-15.

Nasasakitan an iba na maniwala na puwede sindang magin amigo nin Diyos, na dai ninda nahihiling. Kaya kaipuhan niyato sindang tabangan na maaraman an magagayon na kuwalidad ni Jehova asin magkaigwa nin pagtubod saiya.

HILINGON AN VIDEO NA PAKUSUGON AN PAGTUBOD KI JEHOVA, GAMIT AN “MABUHAY NIN MAUGMA SAGKOD PA MAN!” DANGAN SIMBAGON AN MINASUNOD NA MGA HAPOT:

• Taano ta masasabi ta na nag-andam na marhay an sister para sa pagkondukta nin pag-adal sa Bibliya?

• Paano siya naggamit nin nagkapirang piniling marhay na dagdag na mga hapot para maaraman an sabuot kan tinutukduan manungod sa Isaias 41:10, 13?

• Ano an epekto kan video asin kan mga teksto sa tinutukduan?

Dai nasasabutan kan dakul na tawo an pantubos, o dai ninda iyan ibinibilang na personal na regalo sa sainda nin Diyos. (Ga 2:20) Kaya, dapat ta sindang tabangan na magkaigwa nin pagtubod sa atang na pantubos ni Jesus.

HILINGON AN VIDEO NA PAKUSUGON AN PAGTUBOD KI JESUS, GAMIT AN “MABUHAY NIN MAUGMA SAGKOD PA MAN!” DANGAN SIMBAGON AN MINASUNOD NA MGA HAPOT:

• Taano ta masasabi ta na nag-andam na marhay an brother para sa pagkondukta nin pag-adal sa Bibliya?

• Paano niya ibinagay an reperensiya sa seksiyon na “Hilingon Man” para tabangan an tinutukduan?

• Taano ta mahalagang marhay an pamibi para sa tinutukduan?