Jesus Daw an Pangaran nin Diyos?

An simbag kan Bibliya

Inapod ni Jesus an saiyang sadiri bilang “an Aki nin Diyos.” (Juan 10:36; 11:4) Nungkang sinabi ni Jesus na siya an Diyos na Makakamhan sa Gabos.

Apuwera diyan, si Jesus namibi sa Diyos. (Mateo 26:39) Mantang tinutukduan ni Jesus an saiyang mga parasunod kun paano mamibi, sinabi niya: “Ama niyamo na nasa langit, pakangbanalon an ngaran mo.”—Mateo 6:9.

Ipinamidbid ni Jesus an pangaran nin Diyos kan magkotar siya sa Kasuratan asin nagsabi: “Danguga, O Israel, si Jehova an satong Diyos, asin saro sana an Jehova.”—Marcos 12:29; Deuteronomio 6:4.