Kanta 153
Si Jehova, an Dios kan Satong Kaligtasan
1. Jehova Dios sa kalangitan,
Patawada an samong kasalan.
Ipinangidam sa karatan,
Katotoohan dai nanodan.
Tabi iligtas kan kamot mo.
O Dios, ika gumiya samo.
Sa pabor mo kami daraha.
Sa pagligtas mo kami makanta.
Sa pagligtas mo kami makanta.
2. Tiripon sa aripompon mo,
Na bilang mga arog karnero.
Pagligtas mo manonompongan
Kan nalagalag na katawohan.
An katoninongan tao mo
Sa mapakumbaba an puso.
Madonong an may takot s’imo.
Harani na an pagliligtas mo.
Harani na an pagliligtas mo.
3. Katotoohan mo maoswag!
’Yan maogma ming ipahahayag.
Marahayon an nangyayari,
Ta sa daga Aki mo naghade.
Namumurak katotoohan,
Sa tahaw mi katoninongan.
Ibabareta mi sa daga
An pagliligtas mo sa samuya.
An pagliligtas mo sa samuya.