Kanta 177
Dapat Kitang Magin Anong Klaseng Tawo?
1. Kaaldawan kan Dios niato pakaisipon.
An Aki nia asin sia pirme tang kuyogon.
Banggi hararom na, maagahon na;
Kinaban kan Diablo matatapos na.
Pangangaipong mamibi girumdomon ta.
Sa pamibi dapat na magmaigot kita.
Sa pamimibi sa Dios sa bilog niatong puso,
Siertong tatawan kita nin isip na trangkilo.
2. Katoninongan niato risa kan kinaban.
Nagin kita hehelngon na pinagmamasdan.
Ano an dapat na pagkatawo ta?
Anong kabanalan an igawe ta?
Isabi tang namundag na an Kahadean.
Bagong langit asin daga ihulit ta man,
Na digdi magdadanay saiyang katanosan.
Ipahayag an bareta na may kaigotan.
3. An buhay ta asin hirohiro ingatan
Kaoyon sa prinipyo na may pakinabang.
Lininig ni Cristo an kasalan ta,
Katoninongan nin Dios inako ta.
Mawot tang danay na daing digta ni mantsa;
Bilang lingkod ni Jehova talingkas kita.
Kun dayupot saiya asin sia Katood ta,
Sagkod lamang an tabang asin pag-ataman nia.