Introduksiyon sa Seksiyon 10

Si Jehova an Hadi kan gabos. Siya an pirming may kontrol, asin dai iyan mababago. Halimbawa, ilinigtas niya si Jeremias para dai ini magadan sa laog kan bubon. Ilinigtas niya man si Sadrac, Mesac, asin Abednego sa nagkakalayong hurno saka si Daniel sa lungib nin mga leon. Prinotektaran ni Jehova si Esther para mailigtas kaini an gabos niyang kahimanwa. Dai siya matugot na magpadagos an karatan sagkod lamang. Sinisigurado kan mga hula manungod sa dakulaon na estatuwa asin dakulaon na kahoy na sa dai na mahahaloy, hahalion na kan Kahadian ni Jehova an gabos na karatan tapos papamahalaan kaiyan an daga.