“An Sakuyang Santuwaryo an Rinamugan Mo”—Naramugan an Dalisay na Pagsamba

Namutan saka inataman ni Jehova an mga Israelita, asin ibinilang niya sinda na “pinapahalagahan na rugaring.” (Exo. 19:5, nota sa ibaba) Pero ano an ibinalos ninda ki Jehova? Pagsamba sa palsong mga diyos sa mismong templo na nagdadara kan saiyang pangaran! Kinulgan ninda an puso ni Jehova, asin dinarahan ninda siya nin katuyawan. Taano ta nagin arog kaiyan karaot an Israel? Ano an manunudan ta sa propesiya ni Ezekiel manungod sa paglaglag sa Jerusalem? Asin ano an manunudan ta sa pakikiiba kan Israel sa mga nakapalibot na nasyon?