Nakakapakusog Asin Positibo

Job 16:5

SUMARYO: Magpokus sa mga bagay na makakatao nin solusyon asin makakapakusog sa buot.

KUN PAANO GIGIBUHON:

• Magkaigwa nin positibong pagmansay sa mga nagdadangog. Isipon na gusto kan mga kapagtubod mo na paugmahon si Jehova. Dawa kun kaipuhan mong magtao nin sadol, magtao nguna nin sinserong komendasyon sagkod na mapupuwede.

• Limitaran an negatibong mga impormasyon. Magsambit sana nin negatibong mga bagay dapit sa pinag-uulayan kun makakatabang iyan sa saimong presentasyon. Dapat na magin positibo an kabilugan kan saimong presentasyon.

• Gamiton na marhay an Tataramon nin Diyos. Sambiton kun ano na an ginibo, ginigibo, asin gigibuhon pa ni Jehova para sa katawuhan. Tabangan an mga nagdadangog na magkaigwa nin paglaom asin kusog nin buot.