Taonan na Miting

OKTUBRE 1, 1994

AN TAONAN NA MITING kan mga miembro kan Watch Tower Bible and Tract Society of Pennsylvania gigibohon sa Oktubre 1, 1994, sa Assembly Hall kan mga Saksi ni Jehova, 2932 Kennedy Boulevard, Jersey City, New Jersey. An maeenot na miting kan mga miembro sana mapoon sa alas 9:​30 n.a., na susundan kan pankagabsan na taonan na miting sa alas 10:00 n.a.

An mga miembro kan Korporasyon maninigong paaramon ngonyan an Opisina kan Sekretaryo kun igwa nin pagbabago sa saindang mga adres sa koreo durante kan nakaaging taon tanganing an regular na mga surat nin notisya asin mga kasalihid makaabot sainda durante kan Hulyo.

An mga kasalihid, na ipadadara sa mga miembro kaiba kan notisya kan taonan na miting, kaipuhan na ibuwelta tanganing makaabot sa Opisina kan Sekretaryo kan Sosyedad na dai malihis sa Agosto 1. An kada miembro maninigong kompletohon asin ibuwelta tolos-tolos an saiyang kasalihid, na sinasabi kun baga sia personal na makakaduman sa miting o dai. An impormasyon na itinao sa kada kasalihid maninigong depinido sa puntong ini, mantang babasihan iyan sa pagdeterminar kun sairisay an personal na magigin presente.

Linalaoman na an bilog na sesyon, kaiba na an pormal na miting sa trabaho asin mga report, matatapos sa ala 1:​00 n.h. o dai mahaloy pakalihis kaiyan. Mayo nin sesyon sa hapon. Huli sa limitadong lugar, an pagpalaog paagi sana sa tiket. Mayo nin mga areglong gigibohon para sa pagkonektar kan taonan na miting paagi sa telepono sa iba pang mga auditorium.