‘Padagos na Kamutan an mga Tugang na Arog Ninda’

PUON kan 1992, nagnombra an Namamahalang Grupo nin eksperyensiyado asin maygurang na Kristiyanong mga elder para makatabang sa trabaho kan saindang mga komite.a Dakulang tabang nanggad para sa Namamahalang Grupo an mga paratabang na ini na hali sa ‘ibang mga karnero.’ (Juan 10:16) Nag-aatender sinda sa semanal na miting kan komite kun sain sinda nakaasignar asin nagtatao sinda nin mga impormasyon saka suhestiyon. An mga miyembro kan Namamahalang Grupo an pinal na nagdedesisyon, pero an mga paratabang an nagsasagibo kan mga instruksiyon kan komite asin kan ano man na asignasyon na itinao sa sainda. Iniibanan kan mga paratabang an mga miyembro kan Namamahalang Grupo sa espesyal asin internasyonal na mga kumbensiyon. Puwede man na asignaran sinda na magdalaw sa mga sangang opisina bilang representante kan headquarters.

Saro sa mga paratabang, na naglingkod puon pa kan punan an areglong iyan, an nagsabi: “Pag isinasagibo ko an mga asignasyon sa sako, mas nakakapokus na marhay an Namamahalang Grupo sa mga bagay manungod sa espirituwal.” Mantang ginigirumdom an saiyang labi nang duwang dekada nin paglilingkod, saro pang paratabang an nagsabi: “Nagin dakulang pribilehiyo nanggad ini na labi pa sa linalauman ko.”

Dakul an ipinagkakatiwala kan Namamahalang Grupo sa saindang mga paratabang asin pinapahalagahan ninda an mahusay na paglilingkod kan maimbod asin mahigos na mga brother na ini. Lugod na kita gabos ‘padagos na kamutan an mga tugang na arog ninda.’​—Fil. 2:29, NW.