Ano an Sinasabi kan Bibliya?

Matatabangan ka daw kan Bibliya na makayanan an mga kahaditan?

Ano an isisimbag mo?

• Iyo

• Dai

• Siguro

An sabi kan Bibliya

‘Ipasa nindo sa [Diyos] an gabos nindong kahaditan, huli ta nagmamakulog siya sa saindo.’ (1 Pedro 5:7) Sinisigurado kan Bibliya na an Diyos matabang saimo na mapangganahan an mga kahaditan.

Ano pa an manunudan ta sa Bibliya?

• Paagi sa pamibi, magkakaigwa ka nin “katuninungan nin Diyos,” na matabang saimo na makayanan an mga kahaditan sa buhay.​—Filipos 4:6, 7.

• Saro pa, an pagbasa kan Tataramon nin Diyos makakatabang saimo na labanan an stress.—Mateo 11:28-30.

Maabot pa daw an panahon na dai na kita mahahadit?

An sabi kan iba . . . parte na kan buhay nin tawo an mga kahaditan saka stress, an iba man naniniwala na mawawara lang iyan pag nasa ikaduwang buhay na. Ano sa hiling mo?

An sabi kan Bibliya

Hahalion nin Diyos an gabos na dahilan nin kahaditan. “An kagadanan mawawara na. Dai na man magkakaigwa nin pagmundo, o nin pagtangis, o nin kulog.”​—Kapahayagan 21:4.

Ano pa an manunudan ta sa Bibliya?

• Pag namahala na an Kahadian nin Diyos, magigin matuninong asin trangkilo na an pamumuhay nin mga tawo.​—Isaias 32:18.

• Mawawara na an paghadit asin stress.​—Isaias 65:17.