Namamati Daw nin Diyos an Inaagihan Mong Pagsakit?

Naniniwala an iba na dai nahihiling nin Diyos an pagsakit asin mayo siya nin pakiaram.

PAG-ISIPAN AN SIMBAG KAN BIBLIYA

Aram iyan nin Diyos asin nagmamakulog siya

“Nahiling ni Jehova na grabe na an karatan kan tawo sa daga . . . , asin nakulgan an saiyang puso.”—Genesis 6:5, 6.
Hahalion nin Diyos an gabos na pagsakit

“Dikit na sanang panahon, asin an mga maraot mawawara na; hihilingon mo an dati nindang kinamumugtakan, asin mayo na sinda diyan. Alagad magigin pagsadiri kan mga mahuyo an daga, asin makakanumpong sinda nin labi-labing kaugmahan huli sa abundang katuninungan.”—Salmo 37:10, 11.
Kun ano an gusto nin Diyos para saimo

“‘Aram kong marhay kun ano an gusto kong gibuhon para sa saindo,’ an sabi ni Jehova, ‘an tawan kamo nin katuninungan, asin bakong kapahamakan, tanganing magkaigwa kamo nin magayon na puturo asin paglaom. Asin maapod kamo sa sako asin madurulok saka mamimibi sa sako, asin dadangugon ko kamo.’”—Jeremias 29:11, 12.

“Rumani kamo sa Diyos, asin marani siya sa saindo.”—Santiago 4:8.

Para sa dagdag na impormasyon kun taano ta tinutugutan nin Diyos an pagsakit, hilingon an leksiyon 26 kan librong Mabuhay nin Maugma Sagkod Pa Man! na ipinublikar kan Mga Saksi ni Jehova asin mahihiling man sa www.jw.org/bcl