Ano an Sinasabi kan Bibliya?

Magigin matuninong pa daw an kinaban?

Ano an isisimbag mo?

• Iyo

• Dai

• Siguro

An sabi kan Bibliya

Sa irarom kan pamamahala ni Jesu-Cristo, magkakaigwa nin ‘[abundang] katuninungan sagkod na mayo na nin bulan’—an buot sabihon, sagkod lamang.—Salmo 72:7.

Ano pa an manunudan ta sa Bibliya?

• Hahalion an mga maraot sa daga, asin an mga marahay ‘magkakararanga nin labi-labi sa katuninungan.’—Salmo 37:10, 11.

• Tatapuson nin Diyos an gabos na giyera.—Salmo 46:8, 9.

Posible daw ngunyan na magkaigwa nin matuninong na isip?

An sabi kan iba . . . sagkod na an kinaban pano nin pagsakit asin inhustisya, imposible na magkaigwa nin tunay na katuninungan nin isip. Ano sa hiling mo?

An sabi kan Bibliya

Dawa ngunyan, an siisay man na may haraning relasyon sa Diyos puwedeng magkaigwa kan “katuninungan nin Diyos na nakakalabi sa gabos na pakasabot.”—Filipos 4:6, 7.

Ano pa an manunudan ta sa Bibliya?

• Nanunuga an Diyos na hahalion niya an pagsakit asin inhustisya, saka ‘gigibuhon niyang bago an gabos na bagay.’—Kapahayagan 21:4, 5.

• Magkakaigwa kita nin panglaog na katuninungan paagi sa pagpanigo sa satong pangangaipo sa “espirituwal na mga bagay.”—Mateo 5:3.