Anong Regalo an Puwede Niyatong Itao ki Jehova?

SINABI ni Jesus: “Igwang urog na kaugmahan sa pagtao kisa sa pag-ako.” (Gibo 20:35) An pundamental na katotoohan na iyan aplikado man sa satong relasyon ki Jehova. Taano man? Tinawan kita ni Jehova nin dakul na regalo na nakakapaugma sa sato, pero puwede kitang makamati nin urog pang kaugmahan paagi sa pagtao nin regalo ki Jehova. Anong regalo an puwede niyatong itao ki Jehova? Sinasabi kan Talinhaga 3:9: “Tawan mo nin onra si Jehova paagi sa mahahalagang bagay na nasa saimo.” (NW) Kaiba sa satong “mahahalagang bagay” an satong panahon, mga abilidad, kusog, asin mga pagsadiri. Pag ginagamit niyato an mga bagay na iyan tanganing suportaran an tunay na pagsamba, tinatawan ta nin regalo si Jehova, asin pag ginigibo ta iyan nakakamati kita nin dakulang kaugmahan.

Kun dapit sa satong materyal na mga pagsadiri, ano an makakatabang sa sato na dai malingawan na itao ki Jehova an satong regalo? Sinabi ni apostol Pablo sa mga taga Corinto na “magtagama nin sarong kantidad” bilang donasyon. (1 Cor. 16:2) Paano ka makakakua nin dagdag na impormasyon dapit sa mga paagi nin pagdonar na puwede sa saindong lugar? Hilingon tabi an kahon sa ibaba.

May mga nasyon na dai puwedeng magdonar online. Pero may impormasyon dapit sa iba pang mga paagi nin pagdonar na mahihiling sa web page sa pagdonar. Sa nagkapirang nasyon, may dokumento sa page na iyan na nagtatao nin simbag sa parating mga ihinahapot mapadapit sa pagdonar.