“Sarong Regalo Para ki Jehova”

Paano kita ‘nagtatao nin regalo ki Jehova ngunyan’? (1Cr 29:5, 9, 14, NW) Uni an nagkapirang paagi na puwede niyatong pagpilian sa pagtao nin boluntad na mga donasyon para suportaran an gibuhon kan Mga Saksi ni Jehova, sa satong lugar asin sa bilog na kinaban.

AN MGA DONASYON PAAGI SA ONLINE O SA MGA KAHON NIN KONTRIBUSYON NAGSUSUPORTAR SA:

• 

  PAMBILOG NA KINABAN NA GIBUHON

  pagtugdok asin pagpunsiyonar kan mga pasilidad kan sangang opisina saka mga remote translation office

  teokratikong mga paadalan

  mga nasa espesyal na bilog na panahon na paglilingkod

  pagtao nin ayuda pag may kalamidad

  pag-imprenta, pagprodusir nin mga video asin literatura sa digital format

• 

  MGA GASTOS SA KONGREGASYON

  mga gastos kan kongregasyon, arog kan kuryente, tubig asin iba pa para sa pagmentenar kan Kingdom Hall

  arin man na resolusyon na ginibo kan kongregasyon na ipapadara sa sangang opisina para sa:

  • pagtugdok nin Kingdom Hall asin Assembly Hall sa bilog na kinaban

  • Global Assistance Arrangement

  • iba pang mga gibuhon sa bilog na kinaban

MGA KUMBENSIYON ASIN ASEMBLEYA

An mga donasyon sa saindong pangrehiyon na kumbensiyon ipinapadara sa pambilog na kinaban na gibuhon. Kaya hali sa pambilog na kinaban na gibuhon kinukua an pondo para ibayad sa mga nagastos sa pangrehiyon, espesyal, asin internasyonal na mga kumbensiyon.

An mga idinodonar sa sirkito ginagamit sa pag-arkila, pagpunsiyonar, asin pagmentenar sa mga pasilidad kan asembleya asin sa iba pang mga gastos kan sirkito. An sarong sirkito puwedeng magdesisyon na ikontribwir sa pambilog na kinaban na gibuhon kan Mga Saksi ni Jehova an natada o sobrang pondo kan sirkito.