Teokratikong mga Bareta

◆ An pandistritong mga kombension sa Bahamas inatenderan nin 2,212, asin 40 an nabautismohan. An saindang peak sa parahayag 974.

◆ An Bolivia nakaabot sa bagong peak na 5,823 na parahayag, 17-porsiento an ilinangkaw sa promedyo kan nakaaging taon.

◆ An Burkina Faso nakaabot sa bagong peak na 388 parahayag.

◆ Kasuarin pa sana an Costa Rica nagreport kan kaharohalangkaweng peak na 11,366 na parahayag. Naabot man an bagong peak na 15,265 pag-adal sa Biblia.

◆ An Ghana nagkaigwa nin bagong peak na 34,284 parahayag, 12.7 porsiento an ilinangkaw sa promedyo kan nakaaging taon. An report nindang 56,650 pag-adal sa Biblia iyo man an peak sa laog kan taon.

◆ An Guadeloupe, na may peak na 5,565 parahayag, may 12,488 nag-atender sa saindang pandistritong mga kombension, asin 266 an nabautismohan.

◆ An bagong peak sa parahayag nin Hapon 128,202. Kuwarenta y uno porsiento sa sainda an nasa pagpapayunir.