Teokratikong mga Bareta

Alemania: Nagbareta an sanga na nagkaigwa nin 159,821 parahayag sa langtad sa laog nin sarong bulan dai pa sana nahahaloy, na 3-porsientong pag-oswag kisa sa promedyo kan nakaaging taon.

Angola: Padagos na irinireport an kahangahangang pag-oswag. Nagkaigwa nin bagong peak na 18,911 parahayag kan Hulyo, asin nagkondukta nin 56,075 pag-adal sa Biblia.

India: An total na bilang nin parahayag na nagreport kan Hulyo 12,169, o 14 porsiento an kalabihan kisa sa promedyo kan nakaaging taon. Naabot an bagong peak na 10,153 na pag-adal sa Biblia sa harong.

Myanmar: Naabot kan Hulyo an bagong peak na 1,958 parahayag.

São Tomé asin Príncipe: Nakikabtang sa paglilingkod sa langtad kan Hulyo an kaharohalangkaweng peak na 80 parahayag. An bilang nin pag-adal sa Biblia na kinokonduktahan​—382 kan Hulyo—​nagpapaheling na an teritoryong ini talagang hinog na para sa mayaman na pag-ani.