“Diosnon na Takot” na Pandistritong Kombension Ngonyan na 1994
1 An mga tawong may pagtubod ipinaheling an “diosnon na takot” poon kan panahon ni Abel asin ni Noe sagkod sa presente. (Heb. 11: 4, 7) An Paggibo nin diosnon na takot nangangahulogan nin pagpaheling nin “paghanga asin hararom na paggalang sa Kaglalang asin marahay na pagkatakot na mapaanggot sia.” (it-1 p. 818) Durante kan Disyembre asin amay na Enero, ipapaheling niato an hararom na paggalang na ini paagi sa satong pag-atender sa “Diosnon na Takot” na Pandistritong Kombension. Maduman daw kamo tanganing magkamit kan bilog na programa, poon sa pambukas na kanta sagkod sa ultimong pamibi?
2 Kada taon inaatubang niato an pandistritong kombension na igwa nin galagang pag-antisipar. Dawa ngani dakol na paghihingoa asin gastos an puwedeng kalabot, dakol an bendisyon. Minapuli kita na igwa nin paggayagaya, nakontento asin napakosog sa espirituwal. (Ikomparar an 1 Hade 8:66.) An pakikiasosyar nakakapukaw, asin nagtatao an kombension nin pahingalo sa satong parateng rutina. Pero girumdomon, kita nagtitiripon tanganing magsamba ki Jehova. Pinagbobotan nia kita na gibohon iyan. Tinotokdoan nia kita kun paano pakikinabangon an satong sadiri.—Deut. 31:12, 13; Sal. 122:1.
3 Sarong Tolong Aldaw na Kombension: Iaatubang an programa sa 42 na kombension sa Pilipinas ngonyan na taon. An programa mapoon sa Biyernes sa alas 8:50 n.a. asin matapos sa Domingo sa alas 4:10 n.h. Sa Sabado asin Domingo, an programa mapoon sa alas 8:30 n.a.
4 An Hararom na Paggalang ki Jehova Nagpapahiro sa Sato na Umatender: Sinadol ni Pablo an mga Kristianong Hebreo na ‘magtao sa Dios nin banal na paglilingkod na may diosnon na takot asin paghanga.’ (Heb. 12:28) An satong Pandistritong kombension ngonyan iinandam tanganing tabangan kita na gibohon iyan. Puwedeng mapaatubang kita sa nagkapirang kaolangan na binabalo an satong determinasyon na umatender. Puwedeng an mga iyan arog sa mga bukid, pero paagi sa tabang ni Jehova an mga ini puwedeng madaog. (Mat. 17:20) Kun dai ikinaiskedyul an saindong bakasyon na kaiba an bilog na kombension, may pagngayongayo na daw nindong dinolok an saindong among tanganing humagad nin bakasyon? (Sant. 1:6-8) An mga aking nag-eeskuwela na maatender mantang igwa pa nin eskuwela maninigong magalang na impormaran an saindang mga paratokdo na mapalta sinda sa eskuwela sa Biyernes para sa importanteng kabtang na ini kan saindang relihiyosong pagsamba.
5 Aprobetsaran an Pangangapital: Anong pangangapital iyan? An panahon asin paghihingoa na ginamit nindo sa pag-atender sa kombension. Bakong madonong na gumibo nin maingat na mga plano na umatender sa kombension na mapuli sana sa Domingong banggi na nalipasan an dakulang kabtang kan programa. Mahale daw kamo mismo sa kabangaan kan bangkete tanganing asikasohon an ibang bagay? Kan nakaaging taon an iba naghale pakatapos kan mga sesyon sa aga. Minsan siring, an satong espirituwal na pagkamaygurang asin diosnon na takot dai maninigong magtogot sato na malipasan an ano man na iinandam ni Jehova para sa sato.—Ikomparar an 1 Corinto 2:9, 10.
6 An kadaklan sa sato dai maisip na maghale nin amay. Alagad, puwede pa man giraray niatong malipasan an dakol sa programa. Paano? Paagi sa dai pagplano nin patienot sa pagsierto na maaako niato an pinakadakol na pakinabang hale sa mga kabtang na iinatubang. Boot niatong maponan an aldaw na amay tanganing nasa tukawan na kita bago magpoon an programa. An pagkaigwa nin marahay na torog sa banggi importante man tanganing magin kitang alisto asin makakonsentrar sa bilog na programa kan aldaw.
7 An napatunayan na paagi sa pagkamit kan pinakadakol na pakinabang sa programa iyo an pagkua nin halipot na mga nota. Iyan siring kaimportante para sa mga hobenes kun paano sa mga adulto. An sarong 16-anyos na parahayag nagsabi: “Isinusurat ko an mga teksto na sinasambit durante kan pahayag. Dangan makakapagrepaso ako kan pahayag sa harong.” Idinugang nin saro pang 16-anyos na hoben: “Isinusurat ko an pangenot na mga punto. Pinagdadanay kaiyan an sakong isip na nakaantabay.” Sa parate an talagang kaipuhan sana nindo para sa programa iyo an saindong Biblia, songbook, notebook, asin pansurat.
8 May mga tugang na nagrerekord kan programa, na ginagamit an audiocassette recorder o video camera. Baga man an saro ginigibo ini o dai personal na bagay, pero an eksperyensia nin dakol iyo na oras na bumalik sinda sa saindang normal na rutina, dikiton an saindang panahon na dangogon giraray an irinekord. Dugang pa, an nagkapirang pangenot na punto sa pahayag puwedeng malihisan mantang nagliliwat kan recorder.
9 Maninigo kitang gumibo nin sinserong paghihingoa na kita nasa tukawan na niato bago magpoon an programa. Maski ngani kita tibaad nakikipagbinalyohan sa mga katood nin maogmang mga eksperyensia kun an tsirman mag-anunsiar na mapoon na an programa, nagpapaheling nin paggalang sa mga nasa programa kun tolos-tolos niatong pondohon an satong pakikipag-olay asin tumukaw na kita.
10 An pandistritong mga kombension perming magayagayang mga okasyon huli sa abundang bendisyon ni Jehova. Nag-aako kita nin dakol na espirituwal na pakinabang. Kaipuhan na girumdomon na dakula an gastos na kalabot sa pag-arkila kan pasilidad kan kombension. Paano an mga ini asin an iba pang gastos mababayadan? Paagi sa satong boluntaryong mga donasyon, magsalang paagi sa kuwarta o tseke. Ini kaoyon kan espiritu sa Salmo 96:8, na pinakokosog kita na ‘itao ki Jehova an kamurawayan asin magdara nin regalo sa saiyang patyo.’
11 An Saindo daw na Paggawe Magtatao nin Pag-omaw?: Kada taon an An Satong Ministeryo sa Kahadean maboot na nagpapagirumdom sa sato kan kahalagahan nin marahay na paggawe mantang nag-aatender sa pandistritong kombension. Kun kita nagkakatiripon na may dakulang bilang kita parateng napapairarom na marhay sa pagsiyasat kan nasa luwas kan katotoohan. An satong paggawe, marahay o maraot, puwedeng magtaram nin mas makosog kisa sa satong paghuhulit. Boot niato na omawon si Jehova paagi sa satong sinasabi asin ginigibo.—Tal. 27:2; 1 Ped. 2:12.
12 Pakatapos kan “Banal na Pagtotokdo” na Pandistritong Kombension kan nakaaging taon, an sarong guardiang panseguridad nagkomento kaini manongod sa mga aking Saksi: “Sinda pormal na gayo asin makaoogmang makaiba. Minamawot ko na an ibang kombension na ginigibo digdi siring kan sarong ini.”
13 An sarong kolumnista sa diaryo nagkomento kaini dapit sa kombension: “An mga babae asin aking babae nakasulot nin mararahay na gubing, asin an mga lalaki asin aking lalaki nakasulot nin mga amerikana asin kurbata. Odok sindang nagkukua nin mga nota mantang sinda naghihinanyog sa mga espiker sa apat na aldaw.” Pero bakong gabos na bareta siring kapositibo.
14 Sa sarong kombension ibinareta na nagkaigwa nin dakolon na pagralakawlakaw durante kan mga sesyon. Labing 1,000 (na dakol mga aki) an nabilang sa mga pasilyo durante kan programa kan Sabadong hapon, na magpapaheling na dakol pang pagsasanay asin superbisyon an kinakaipuhan kan mga magurang. An danay na pagralakawlakaw sa mga pasilyo nagigin dahelan nin sobrang ribok na nakakaistorbo sa mga naghihingoang magdangog.
15 An kadaklan na magurang estrikto sa saindang mga aki kun nag-aatender sa mga pagtiripon kan kongregasyon kada semana. Dai daw maninigo na magin estrikto man sinda tanganing siertohon na an saindang mga aki nakatukaw sa harani sa sainda asin dai naglalagawlagaw sa mga pasilyo durante kan programa? Kaipuhan nindong maaraman kun haen an saindong mga aki asin kun ano an saindang ginigibo sa gabos na panahon.
16 Paggubing Asin Pag-alinyar: Nabubuhay kita sa panahon na kun saen an kasuwal, usmak pa ngani na na itsura minamansay na inaako. Dakol na tawo an nag-aatender sa simbahan o nagkakakan sa mga restawran na kasuwal na gayo an sulot. An kinotar na komento sa parapo 13 nagpapaheling na igwa nin mga tawong naghahanga pa sa disenteng gubing, partikularmente durante kan pormal na pagsamba. Nungkang lingawan na an edipisyo kan kombension sarong pinahiwas na Kingdom Hall. May mga naggugubing sa magalang na paagi para sa kombension pero pakatapos kan mga sesyon nagduduman sa lokal na mga restawran asin iba pang lugar na nakagubing nin bakong angay.
17 An mga kandidato para sa bautismo kaipuhan pagirumdomon na may mga pankarigos na bakong angay para sa okasyon. Maninigo na an sulot magin mabini asin nakakasono. siisay an maninigong magdeternnnar kaini? An mga magurang responsableng helingon na an siisay man na mapabautismo hale sa saindang kongregasyon dai nagtatao nin ano man na dahelan nin singkogan. (2 Cor. 6:3, 4) An mahimpis na mga pambasa asin T-shirt na may kinabanon na mga sarabihon o anunsio bakong angay. Angay para sa mga magurang na ipakipag-olay an bagay na ini sa kandidato para sa bautismo mantang rinirepaso an mga hapot sa librong Our Ministry.
18 Pagpapadanay na Malinig an Satong mga Palibot: Dakol an nagkomento manongod sa kalinigan kan banwaan ni Jehova sa mga kombension. Pagdanayon niato an halangkaw na pamantayan na iyan, na dai nag-aapon nin papel, mga patos nin dulse, o iba pang lalagan, sa salog. Bago pumuli sa banggi, mangalagkalag sa palibot kan saindong mga tukawan asin puroton an ano man na basura na nasa palibot asin magsalang ibugtak iyan sa tamang mga basurahan o darahon iyan sa harong tanganing duman iyan iapon. Kun paanong pinagdadanay niatong areglado asin malinig an satong Kingdom Hall, gibohon ta man an siring sa satong mga pasilidad sa kombension.
19 Sekular na Trabaho: Nag-aatender kita sa kombension tanganing kumakan sa espirituwal. Kun siring bako iyan an panahon na magtrabaho nin sekular o magganansia, na inaaprobetsaran an darakulang kadaklan na nag-atender. Sa giraray boot ming pagirumdomon an gabos na dai itotogot an pagtinda nin personal na mga bagay sa laog kan lugan nin kombension, asin mga bagay sana kan Sosyedad an itotogot sa bookroom o sa iba pang departamento kan kombension.
20 Mga Kasangkapan sa Pagrekord: Siring kan sinabi kasubago, an paggamit nin recorder personal na desisyon. Kun magdesisyon kamong magrekord, tabi magpaheling nin konsiderasyon sa mga nasa palibot nindo. Puwedeng makaistorbo iyan dawa kun an pagrerekord ginigibo sa saindong tukawan. Mayo ni saro na maninigong maglipod sa pagheling kan mga kapwa kombensionista mantang nagrerekord. Saro pa, mayo nin ano man na klaseng mga kasangkapan sa pagrekord an dapat ikonektar sa electrical o sound system, ni na maninigo na an mga iyan makaolang sa mga pasilyo o agihan.
21 Tukawan: An mga problema na konektado sa pagreserba nin mga tukawan kaipuhan pa nin atension. Sa giraray boot ming pagirumdomon an gabos na AN MGA TUKAWAN IKARERESERBA SANA PARA SA MGA MIEMBRO KAN SAINDONG PAMILYA ASIN SA SIISAY MAN NA KAIBA NINDO SA BIYAHE SA SAINDONG KOTSE. Sa sarong kombension narisa na “dakol an nagreserba nin haros bilog na seksion, dangan dakol sa tukawan na irineserba ninda an dai napano.” An bakong makonsiderasyon na mga paggaweng ini garo baga nagdadanay sa ibong kan regular na mga pagirumdom. Dai daw niato maninigong siyasaton an satong puso sa bagay na ini asin maghorophorop dapit kan mga prinsipyo sa Filipos 2:3, 4?
22 Sa Disyembre 16, 1994, poponan sa Pilipinas an enot sa “Diosnon na Takot” na Pandistritong mga Kombension. Natapos na daw nindo an saindong mga pag-andam, asin andam na daw kamo ngonyan na magkamit nin tolong aldaw na maogmang pakikiiba asin mararahay na espirituwal na bagay? Odok na pamibi niamo na bendisyonan ni Jehova an saindong mga paghihingoa na magtiripon sa masunod na bulan asin sa Enero tanganing makakakan sa lamesa ni Jehova nin mararahay na bagay sa “Diosnon na Takot” na Pandistritong Kombension.
[Kahon sa pahina 6]
Mga Pagirumdom sa Pandistritong Kombension
Dadagusan: Mapadara kami nin suplay nin mga pormang Room Request sa kada kongregasyon, apuwera sa mga nasa Metro Manila. An mga nangangaipo nin dadagosan maninigong llenaran an porma asin itao iyan sa sekretaryo kan saindong kongregasyon. Sisiyasaton asin pipirmahan nia iyan, dangan ipadadara iyan sa Watch Tower Convention sa saro kan mga adres na nasa ibaba.
Disyembre 16-18, 1994
Bauang, La Union: c/o Romeo Acosta, Calumbaya, Bauang, 2501 La Union.
Ilagan, Isabela: c/o Zosimo G. Linda, Baculod, Ilagan, 3300 Isabela.
Maasin, Southern Leyte: c/o Conrado Balaga, Rosario Village, Asuncion, Maasin, 6600 Southern Leyte.
Disyembre 23-25, 1994
Laoag City: c/o Leon Agbayani, PLDT Radio Station, Gen. A. Luna Street, 2900 Laoag City.
Dagupan City: c/o Flint Tailoring, 15 Galvan Street, 2400 Dagupan City.
Binalonan, Pangasinan: c/o Manantan Technical School, Urdaneta, 2428 Pangasinan.
Bayombong, Nueva Vizcaya: c/o Artemio Bunuan, Market Site, Bayombong, 3700 Nueva Vizcaya.
San Fernando, Pampanga (1): Kingdom Hall, 850 Juliana Subdivision, San Fernando, 2000 Pampanga.
Puerto Princesa City: Kingdom Hall, Malvar Street, 5300 Puerto Princesa City.
Lucena City: Kingdom Hall, 1 Granja Street, 4301 Lucena City.
Iriga City: c/o Leonardo de Villa, 38 Waling-waling Street, San Miguel, 4431 Iriga City.
Cavite City: Kingdom Hall, 497 Padre Pio Street, Caridad, 4100 Cavite City.
Quezon City (1): P.O. Box 2044, 1099 Manila.
Dumaguete City: c/o Alexander Echon, 110-A Springville, Tubod, 6200 Dumaguete City.
Tagbilaran City: c/o Felix Acma, 55 Airport Road, 6300 Tagbilaran City.
Bacolod City: c/o Francisco Antonano, Room 2 TG Building, Lacson Street, 6100 Bacolod City.
Surallah, South Cotabato: c/o Eugenio Ordanza, Poblacion, Surallah, 9512 South Cotabato.
Cabantian, Davao City: c/o Mariano B. Roman, Km. 1503, Diversion Road, Cabantian, 8000 Davao City.
Toril, Davao City: c/o Cayetano Hormillada, 187 Agton Street, Toril, 8000 Davao City.
Digos, Davao Sur: Kingdom Hall, Lim Extension, Digos, 8002 Davao Sur.
Cagayan de Oro City: c/o Nicolas Reymundo, Jr., 52 Vamenta Blvd., Carmen, 9000 Cagayan de Oro City.
Tandag, Surigao Sur: c/o Toribio Bernardino, Dawis, Tandag, 8300 Surigao Sur.
Disyembre 30, 1994—Enero 1, 1995
Baguio City: Kingdom Hall, 28 Rimando Road, 2600 Baguio City.
Alaminos, Pangasinan: c/o Isabelo Soriano, Alos, Alaminos, 2404 Pangasinan.
Tarlac, Tarlac: c/o Joaquin Manaloto, Aguso Tarlac, 2300 Tarlac.
Tuguegarao, Cagayan: c/o Santiago Panaga, 60 Public Market, Tuguegarao, 3500 Cagayan.
Sta. Cruz, Laguna: Kingdom Hall, Highway, Bubukal, Sta. Cruz, 4009 Laguna.
San Fernando, Pampanga (2): Kingdom Hall, 850 Juliana Subdivision, San Fernando, 2000 Pampanga.
Manila: Kingdom Hall, Highway, Bubukal, Sta. Cruz, 4009 Laguna.
Masbate, Masbate: c/o Yolando Alburo, 56-K Tara Street, Masbate, 5400 Masbate.
Cebu City: c/o Parcon’s Machine Shop, Bagumbayan Street, 6000 Cebu City.
Tacloban City: c/o Isabelo Tome, 185 M. H. del Pilar Street, 6500 Tacloban City.
Iloilo City: Kingdom Hall, Jereos Street, La Paz, 5000 Iloilo City.
Butuan City: Kingdom Hall, Rosales Street, 8600 Butuan City.
General Santos City: Kingdom Hall, 8 Siniguelas Street, 9500 General Santos City.
Mati, Davao Oriental: c/o Norberto Morales, 2851 Ravelo Compound, Matiao, Mati, 8200 Davao Oriental.
Nabunturan, Davao Norte: c/o Ladislao Dalen, Purok 11, Poblacion, Nabunturan, 8106 Davao del Norte.
Panabo, Davao Norte: c/o David Salibo, Panabo Studio, Panabo 8105 Davao del Norte.
Tangub City: c/o Charles Soronio, Post Office 7214, Tangub City.
Zamboanga City: Kingdom Hall, 541 San Jose Road, Baliwasan, 7000 Zamboanga City.
Kabacan, North Cotabato: c/o Eliseo Mapanao, 1245 USM Avenue, Kabacan, 9407 North Cotabato.
Enero 6-8, 1995
Marikina, Metro Manila: Kingdom Hall, 116 Roxas Street, Calumpang, Marikina, 1800 Marikina, Metro Manila.
Bautismo: An mga kandidato sa bautismo maninigong nasa tukawan na ninda sa sinabing lugar bago pumoon an programa sa Sabadong aga. Nariparo na an nagkapira nagsusulot nin mga klase nin gubing na bakong disente asin nagpapababa sa okasyon. An mabining pankarigos asin tuwalya maninigong darahon kan kada saro na nagpaplanong magpabautismo. An mga magurang sa kongregasyon na nagrerepaso sa mga kandidato sa bautismo kan mga hapot sa librong Our Ministry maninigong siertohon na an kada saro nasasabotan an mga puntong ini. Pakatapos kan pahayag sa bautismo asin pamibi kan espiker, an tsirman kan sesyon matao nin halipot na mga instruksion sa mga mapabautismo dangan mapakanta. Pakatapos kan ultimong berso, gigiyahan kan mga attendant an mga mapabautismo sa lugar nin pagbautismo. Mantang an bautismo bilang simbolo nin pagdusay sarong dayupot asin personal na bagay sa pag-oltanan kan indibiduwal asin ni Jehova, mayo nin probisyon para sa inaapod na magkaparehang mga bautismo na kun saen an duwa o mas dakol pang kandidato sa bautismo nagkukurugosan o nagkakarapotan nin kamot mantang binabautismohan.
Lapel Cards: Tabi isulot an 1996 na badge card sa kombension asin mantang nagbibiahe paduman asin hale sa lugar kan kombension. Parateng ginigibo kaining posible na kita makatao nin marahay na patotoo mantang nagbibiahe. An mga badge card asin holder maninigong kuanon paagi sa saindong kongregasyon, mantang an mga iyan dai makukua sa kombension. Dai maghalat sagkod na pipira na sanang aldaw bago an kombension na humagad nin mga card para sa saindo asin sa saindong pamilya. Girumdomon na darahon an saindong pinakabagong Advance Medical Directive/Release card.
Pagboboluntaryo: Makatatagama daw kamo nin panahon sa kombension tangani na tumabang sa saro sa mga departamento? An paglilingkod sa satong mga tugang, minsan sa laog sana nin pirang oras, puedeng magin kapakipakinabang na marhay asin makapagtatao nin dakulang satispaksion. Kun puede kamong tumabang, magreport tabi sa Volunteer Service Department sa kombension. An kaakian na dai pang 16 anyos puede man na makakontribwir nin marahay paagi sa pagtrabaho na ginigiyahan nin magurang o iba pang responsableng adulto.
Espesyal na mga Miting: May gigibohon na pakipagmiting sa gabos na regular asin espesyal payunir saka mga nagbibiyaheng paraataman sa alas 11:15 n.a. sa Biyernes sa gabos na kombension sa probinsia, mantang an pakipagmiting sa gabos na kamagurangan asin ministeryal na mga lingkod gigibohon sa alas 11:15 n.a. sa Sabado. An mga lugar kan mga miting na ini ipaiisi sa plataporma. An mga miting na ini dai gigibohon sa mga kombension sa Metro Manila.
Pioneer Identification: An gabos na regular asin espesyal payunir asin nagbibiyaheng mga paraataman, kaipuhan na darahon sa kombension an saindang Identification and Assignment card (S-202). An mga payunir na nasa lista poon kan Hulyo 1, 1993 o bago pa kan petsang iyan puwedeng umako nin halagang ₱100.00 na tiket sa kombension basta ipresentar an saindang ID card sa sarong kombension na iyan sana.
Mga Patanid: Siertohon na an saindong sasakyan barat sa gabos na oras, asin nungkang magwalat nin ano man na naheheling na makasusugot sa saro na manlaog. An mga parahabon asin mandurukot isinesentro an saindang atension sa darakulang katiriponan. Bakong madonong na magwalat nin ano man na may halaga sa saindong tukawan. Dai kamo makasesegurado na an gabos sa palibot nindo Kristiano.