Mga Pagirumdom sa Memorial

An selebrasyon kan Memorial natangod sa Domingo, Marso 23. Maninigong tawan nin atension kan kamagurangan an minasunod na mga bagay:

◼ Sa pag-iskedyul nin oras para sa pagtiripon, siertohon na an mga emblema dai ililibot sagkod na dai pa minasolnop an saldang.

◼ An gabos, kabale an espiker, maninigong paisihon manongod sa eksaktong oras asin lugar para sa selebrasyon.

◼ Maninigong magkaigwa asin mag-andam nin angay na klase nin tinapay asin arak.​—Helingon an Setyembre 1, 1985 Torrengbantayan, pahina 12 (w85-E 2/15, p. 19).

◼ An mga plato, kopa, asin angay na lamesa patin mantel maninigong darahon na sa tiriponan asin areglaron na nin patienot.

◼ Maninigong linigan nang marhay nin patienot an Kingdom Hall o ibang lugar na tiriponan.

◼ An mga attendant asin serbidor maninigong pilion asin tawan nin instruksion nin patienot manongod sa tamang prosedimiento asin sa saindang mga obligasyon.

◼ Maninigong gibohon an mga areglo na serbihan an siisay man sa linahidan na may helang asin dai kayang magin presente.

◼ Kun labi sa sarong selebrasyon an nakaiskedyul sa iyo man sanang Kingdom Hall, maninigong magkaigwa nin marahay na koordinasyon sa tahaw kan mga kongregasyon tangani na malikayan an pagsurusuan sa agihan asin sa tinampo sa luwas.