Sinimplipikar na Proseso sa Pagpapadagos kan Suskripsion
Sagkod ngonyan, an mga suskritor kan An Torrengbantayan asin Awake! nakareresibi nin duwang notisya na matatapos na an saindang mga suskripsion. An enot sarong inimprentang Expiring Subscription slip na idinidistribwir sa mga suskritor paagi sa kongregasyon.
An ikaduwang notisya iyo an Renewal Form kan suskripsion na isinalipit sa nakapatos na magasin na direktang ipinadara sa suskritor paagi sa koreo. Poon sa mga luwas na Hunyo 1 asin Hunyo 8 ngonyan na taon, an mga suskritor kan inimprentang mga magasin dai na maresibi nin Renewal Form kan suskripsion na isinalipit sa magasin. Imbes, mensahe na matatapos na an suskripsion an iimprentahon sa patos kan suskripsion.
An mensahe na inimprenta sa patos kan magasin magseserbing pagirumdom na madali nang matapos an suskripsion. Kun maheling nindo an nakaimprentang mensahe alagad dai pa naresibi an Expiring Subscription slip, kaolayon tabi an tugang na nag-aasikaso kan mga suskripsion sa kongregasyon nindo. An mga suskripsion na ipagpapadagos maninigo na pirmeng isumitir paagi sa kongregasyon.
Para sa mga suskripsion na nakua sa langtad, an pangenot na paagi nin pagtaong notisya iyo an inimprentang Expiring Subscription slip na idinidistribwir paagi sa kongregasyon. Oras na mag-abot an mga pormang ini sa kongregasyon, maninigong itao tolos iyan sa mga parahayag na mismong nakapasuskribe. Huling dai na maresibi an mga suskritor nin Renewal Form na isinalipit sa magasin, mahalagang marhay na songkoon niato an mga interesadong ini asin enkaminaron sinda na ipadagos an saindang mga suskripsion.—Helingon An Satong Ministeryo sa Kahadean na Nobyembre 1988, pahina 4 (km-E 11/88 p. 8), asin Pebrero 1986, pahina 4.
An napapanahon na mga magasin na ini padagos na mapasirang nin espirituwal na liwanag sa sarong madiklom na kinaban. Segurado kami na an gabos makikikooperar sa bagong areglong ini tanganing an gabos na suskritor kan An Torrengbantayan asin Awake! daing malipasan ni sarong luwas.