Mga Suskripsion
1 An suskripsion sa The Watchtower asin Awake! nakatabang sa dakol na makaaram sa Tataramon nin Dios. Ano an magigibo niato tanganing maseguro na an mga suskritor padagos na mag-ako kan pinakamarahay na serbisyong mahihimo?
2 An tamang pagllenar sa subscription blank dai ikadodoon nin sobra. Nagibo na an marahay na pag-oswag sa bagay na ini. Pero, may naggagrabeng problema kun minabalyo an suskritor. Parate na dai tolos naiimpormaran an Sosyedad asin napuputol an suskripsion.
3 Ibinabalik kan korreo sa Sosyedad an gabos na magasin na dai ikinahatod. An kadaklan sa mga ini ibinalik ta nagbalyo na nin istaran an suskritor. Tanganing maliwat an adres para sa mga suskripsion sa Watchtower asin Awake!, dapat na ipadara an porma kan Sosyedad na Subscription Change of Address (M-205) tanganing itao an bagong adres.
4 An gabos na Expiring Subscription slip maninigong tawan tolos nin atension. An mga parahayag sinasadol na sumongko tolos tanganing makua an renewal dangan itao ini sa tugang na nag-aasikaso sa suskripsion. An mga suskripsion na bago asin renewal na nakua sa mga dai pa nabautismohan puwedeng ireport kan parahayag. An gabos na suskripsion maninigong ipadara sa Sosyedad serosemana.