An Gabos Makakanood sa Noah​​—He Walked With God

Basahon o repasohon an Genesis 6:1 sagkod 9:19. Dangan dalanon an video na Noah, asin isip-isipa kun ano an isisimbag nindo sa mga hapot na ini: (1) Anong klase an kinaban kan kaaldawan ni Noe, asin taano ta nagin siring kaiyan an kamugtakan? (2) Ano an nagpangyari ki Noe na magin espesyal na marhay, anong trabaho an itinao sa saiya nin Dios na gigibohon, asin taano? (3) Saen posibleng itinogdok an dahong, gurano iyan kahaloy, asin gurano iyan kadakula? (4) Apuera sa pagtogdok kan dahong, ano pa an kinaipuhan na gibohon ni Noe asin kan saiyang pamilya? (5) Ano sa paghona nindo an kamugtakan sa laog kan dahong kan oras na serahan an pinto? (6) Ano daw kutana an namatean nindo pagkatapos na makaligtas sa Baha? (7) Anong pagirumdom manongod sa Baha an naheheling niato paminsanminsan, asin ano an kahulogan kaiyan? (8) Ano an itinokdo kan pagkasaysay sa Biblia manongod ki Noe sa saindong sadiri, sa saindong pamilya, asin sa gibohon na iinasignar nin Dios sa sato na gibohon? (9) Anong mga hapot an gusto nindong ihapot ki Noe asin sa saiyang pamilya kun makaolay nindo sinda sa Paraiso? (10) Paano nindo pinaplanong gamiton ngonyan an video na Noah?