An Pandistrito Asin Internasyonal na mga Kombension Nakapahihiro sa Sato na Pamurawayon an Dios!
An “Pamurawayon an Dios” na Pandistrito Asin Internasyonal na mga Kombension nakapagtao nin dakulaon na patotoo. An makahulogan na teokratikong mga okasyon na ini ibinantog an ngaran ni Jehova asin pinaooswag an abilidad niato na ‘iatribwir ki Jehova an kamurawayan na manonongod sa saiyang ngaran.’ (Sal. 96:8) Tunay nanggad, angay sia na pamurawayon huli sa saiyang makangangalas na mga gibo nin paglalang, na nagpapabanaag kan saiyang marahayon na mga atributo.—Job 37:14; Kap. 4:11.
Ginagamit an minasunod na mga hapot kaiba an personal na mga nota nindo, mag-andam para sa asin makikabtang sa pagrepaso kan programa kan kombension na gigibohon durante kan semana nin Pebrero 23.
1. Paano ipinahahayag nin daing buhay na mga linalang an kamurawayan nin Dios, asin paano iyan napapalaen sa paagi kan pag-omaw sa saiya nin mga tawo? (Sal. 19:1-3; “An mga Linalang Nagpapahayag kan Kamurawayan nin Dios”)
2. Anong katunayan sa presente an ipinanganganino kan transpigurasyon, asin sa anong paagi na an mga Kristiano ngonyan namomotibar kan katunayan na ini? (Pahayag sa pinakatema, “Pinahihiro Kita kan Mamuraway na Makahulang mga Bisyon!”)
3. Paano niato makukultibar an klase nin kapakumbabaan na ipinaheling ni propeta Daniel, asin paano kita makikinabang sa paggibo kaiyan? (Dan. 9:2, 5; 10:11, 12; “An Kamurawayan ni Jehova Ihinayag sa mga Mapakumbaba”)
4. (a) Anong tolong bagay manongod sa paghokom nin Dios an manonodan niato sa hula ni Amos? (Amos 1:3, 11, 13; 9:2-4, 8, 14) (b) Anong praktikal na leksion an manonodan kan Mga Saksi ni Jehova ngonyan sa panalmingan na yaon sa Amos 2:12? (“An Hula ni Amos—An Mensahe Kaiyan Para sa Satong Kaaldawan”)
5. (a) Ano an mga peligro kan labi-labing pag-inom nin inomon na de alkohol, dawa kun an saro dai nabuburat? (b) Paano puedeng itanos an problema sa pagpalabilabi sa pag-inom? (Mar. 9:43; Efe. 5:18; “Likayan an Siod nin Pag-abuso sa Inomon na de Alkohol”)
6. Paano kamo nakikinabang sa bagong publikasyon na “See the Good Land”? (“‘An Marahay na Daga’—Patanaw kan Paraiso”)
7. Sa anong tolong paagi puede niatong ‘ipabanaag na siring sa mga salming an kamurawayan ni Jehova’? (2 Cor. 3:18; “Ipabanaag na Siring sa mga Salming an Kamurawayan ni Jehova”)
8. Ano an ginigikanan kan mayo nin marahay na basehan na pagkaongis, asin ano an makakatabang sa sato na mapagdanay an satong integridad sa ibong kan pakaeksperyensia nin siring na pagkaongis? (Sal. 109:1-3; “Ikinaoongis na Mayo nin Dahelan”)
9. Ano an arog-Cristong pagmansay sa kadakulaan, asin paano puedeng madeterminaran nin saro na kaipuhan niang pataluboon nin mas lubos an punto de vistang ini? (Mat. 20:20-26; “Pagkultibar sa Arog-Cristong Punto de Vista sa Kadakulaan”)
10. Ano an makakatabang sa sato na magdanay na makosog sa espirituwal sa ibong nin pisikal na kapagalan? (“Pagal sa Pisikal Alagad Dai Napapagal sa Espirituwal”)
11. Ano an nagkapira sa mga ahensia na paagi kaiyan pinalalakop ni Satanas an kaputikan, asin ano an tamang sono sa Kasuratan na reaksion sa mga pagprobar na raoton an pagtubod niato? (Juan 10:5; “Mag-ingat sa ‘Tingog nin mga Estranghero’”)
12. (a) Paano puedeng arogon nin mga magurang an halimbawa ni Jesus na nasusurat sa Marcos 10:14, 16? (b) Ano an nagugustohan nindo sa bagong librong Makanood sa Dakulang Paratokdo? (“An Satong mga Aki—Mahalagang Marhay na Pamana”)
13. Paano inoomaw kan mga hoben si Jehova? (1 Tim. 4:12; “Kun Paano Inoomaw kan mga Hoben si Jehova”)
14. Anong mga eksena sa drama na “Pusoan na Paghuhulit sa Ibong nin Pagtumang” an nagigirumdoman nindong marhay?
15. Paano niato puedeng arogon an halimbawa (a) ni Pedro asin Juan? (Gibo 4:10) (b) ni Esteban? (Gibo 7:2, 52, 53) (c) kan Kristianong kongregasyon kan enot na siglo? (Gibo 9:31; drama asin an pahayag na “Ipahayag an Maogmang Bareta na ‘Dai nin Ontok’”)
16.(a) Desidido kita na pamurawayon an Dios sa anong mga paagi? (b) Sa ano kita nakaseseguro mantang iinaaplikar niato an satong nanodan sa “Pamurawayon an Dios” na mga Kombension? (Juan 15:9, 10, 16; “‘Padagos Kamong Mamunga nin Dakol’ sa Ikamumuraway ni Jehova”)
Paagi sa paghorophorop sa marahayon na espirituwal na pagtotokdo na iinatubang sa kombension, mapahihiro kita na iaplikar an mga bagay na nanodan niato. (Fil. 4:8, 9) Pakokosogon kaini an determinasyon niato na “gibohon an gabos na bagay sa ikamumuraway nin Dios.”—1 Cor. 10:31.