Iskedyul sa Pagtiripon sa Paglilingkod

Semana nin Pebrero 9

Kanta 225

10 min: Lokal na mga paisi asin piniling Mga Paisi sa An Satong Ministeryo sa Kahadean. Enkaminaron an gabos na darahon an Torrengbantayan na Setyembre 1, 2003, para sa pag-orolay sa masunod na semanang pagtiripon sa paglilingkod. Ginagamit an mga suhestion sa pahina 8, idemonstrar kun paano iaatubang an Torrengbantayan na Pebrero 15 asin an Awake! na Pebrero 22. Sa kada kamugtakan, an duwang magasin maninigong ialok na magkapadis, minsan ngani saro sana an itinatampok. Sa saro sa mga pag-atubang, idemonstrar kun paano sisimbagon an habong makipag-olay na nagsasabing “May sadiri na akong relihion.”​​—Helingon an librong Reasoning, pahina 18-​19 (p. 17-18 sa Tagalog).

10 min: “Makinabang sa Pag-adal sa Rumani ki Jehova.” Pahayag nin sarong paraataman sa Pag-adal sa Libro kan Kongregasyon basado sa artikulo. Kun tinotokar an parapo 2, darahon an atension sa iskedyul nin pag-adal. Kun tinotokar an parapo 3, basahon asin ipakipag-olay an parapo 23 na nasa pahina 25 kan publikasyon.

25 min: “Padagos na Ipahayag an Makangangalas na mga Gibo ni Jehova.”a (Parapo 1-​10) Pangengenotan kan paraataman sa paglilingkod. Gamiton an itinaong mga hapot. Pataluboon an entusiasmo sa dinugangan na paglilingkod sa langtad sa panahon kan Memorial.

Kanta 90 asin pantapos na pamibi.

Semana nin Pebrero 16

Kanta 41

5 min: Lokal na mga paisi. Enkaminaron an gabos na gamiton an mga hapot na nasa pahina 1 para sa pagrepaso kan saindang mga nota bilang preparasyon para sa pag-orolay kan mga nagdadangog manongod sa programa kan “Pamurawayon an Dios” na Kombension sa masunod na semanang pagtiripon sa paglilingkod.

20 min: Omawon si Jehova “sa Tahaw kan Kongregasyon.” Pakikipag-olay sa mga nagdadangog basado sa Torrengbantayan na Setyembre 1, 2003, pahina 19-​22. (1) Paano idinodoon kan Salmo 22:​22, 25 an dahelan niato sa pagkomento sa mga pagtiripon? (2) Taano ta nakakatabang an pamibi? (3) Taano ta kaipuhan an pag-andam? (4) Ano an maninigo na magin pasohan niato gabos sa mga pagtiripon? (5) Taano ta nakakatabang an pagtukaw niato sa enotan? (6) Taano ta importante na maghinanyog sa sinasabi kan iba? (7) Paano kita makasisimbag sa sadiring mga tataramon niato? (8) Paano niato maeenkaminar an iba paagi sa satong mga komento? (9) May anong paninimbagan an namamayo?

20 min: “Padagos na Ipahayag an Makangangalas na mga Gibo ni Jehova.”b (Parapo 11-​17) Gamiton an itinaong mga hapot. Iiba an sarong halipot na demonstrasyon nin sarong parahayag na iniimbitaran sa Memorial an sarong dinadalaw liwat.

Kanta 75 asin pantapos na pamibi.

Semana nin Pebrero 23

Kanta 118

10 min: Lokal na mga paisi. Report sa kuenta. Ginagamit an mga suhestion sa pahina 8, idemonstrar kun paano iaatubang an Torrengbantayan na Marso 1 asin an Awake! na Marso 8. Sa kada kamugtakan, an duwang magasin maninigong ialok na magkapadis, minsan ngani saro sana an itinatampok. Sa pagtatapos kan saro sa mga pag-atubang, magpalataw nin sarong nakapupukaw nin isip na hapot na sisimbagon sa masunod na pagdalaw na ginagamit an brosyur na Kahagadan.

35 min: “An Pandistrito Asin Internasyonal na mga Kombension Nakapahihiro sa Sato na Pamurawayon an Dios!” Pangengenotan nin sarong magurang sa kongregasyon. Pakatapos nin introduksion sa laog nin sarong minuto o mayo pa, pamayohan an pakikipag-olay sa mga nagdadangog manongod sa programa kan kombension na ginagamit an mga hapot sa artikulo. Barangaon an oras tangani na matawan nin lugar an gabos na hapot, na tibaad inaako sana an sarong simbag sa nagkapirang hapot. Dai puedeng basahon an gabos na sitadong teksto sa laog kan itinaong oras; iiniba an mga ini tangani na madaling makua an mga simbag. An mga komento maninigong nakasentro sa mga pakinabang nin pag-aplikar kan mga bagay na nanodan.

Kanta 81 asin pantapos na pamibi.

Semana nin Marso 1

Kanta 156

10 min: Lokal na mga paisi. Pagirumdomon an mga parahayag na itao an report nin paglilingkod sa langtad para sa Pebrero. Sambiton an alok sa Marso, asin repasohon sa halipot an saro sa isinuherir na mga pag-atubang hale sa suplemento kan An Satong Ministeryo sa Kahadean na Mayo 2002.

15 min: Totokaron nin sarong magurang sa kongregasyon an mga punto sa “Hapot,” na idinodoon kun paano kita ginigiyahan kan mga prinsipyo sa Biblia kun nagpaplano nin Kristianong mga kasal.

20 min: “Kaya Niatong Gibohon an Hinahagad sa Sato ni Jehova.”c Gamiton an itinaong mga hapot. Sagkod na may oras, itampok an sitadong mga teksto.

Kanta 98 asin pantapos na pamibi.

[Mga Nota sa Ibaba]