Kun Ano an Sasabihon Manongod sa mga Magasin

An Torrengbantayan Hul. 15

“Kun may pangyayaring arog kaini [an ipinapaheling sa tutob] na ibinareta ngonyan na mga aldaw, posibleng magdududa an kadaklan na tawo. Ano daw sa paghona nindo? [Pasimbagon. Dangan basahon an Marcos 4:39.] Ano an prueba na totoo an mga milagrong ginibo ni Jesus? Sinisiyasat kan isyung ini kan An Torrengbantayan an hapot na ini.”

Awake! Hul. 22

“Sa kinaban ngonyan, an mga kriminal daing ontok sa pag-imbento nin bagong mga pakana tangani na dayaon an daing pag-aram-aram na mga tawo. Ikinakahadit daw nindo ini? [Pasimbagon.] Tinotokar kan isyung ini kan Awake! an nagkapirang pundamental na pagmamaan na makakatabang sa sato na maprotehiran an satong sadiri sa pandadaya.” Basahon an Talinhaga 22:3.

An Torrengbantayan Ag. 1

“Huling nagkakabarangang marhay an katawohan, naniniwala an nagkapira na an solamenteng paagi na magkaigwa nin pankinaban na katoninongan iyo an sarong pankinaban na gobyerno. Sa paghona daw nindo posible an siring na bagay? [Pasimbagon. Dangan basahon an Daniel 2:44.] Ipinapaliwanag kan magasin na ini kun ano na an nagigibo kan Kahadean nin Dios ngonyan asin kun paano iyan magtatao nin pankinaban na katoninongan sa dai na mahahaloy.”

Awake! Ag. 8

“Kita gabos namomondo kun nababaretaan niato an manongod sa pag-aprobetsar sa mga aki. Tibaad napag-isip-isip na nindo na, ‘An Dios daw talagang may pagmakolog?’ [Pasimbagon. Dangan basahon an Salmo 72:12-​14.] Ipinapaliwanag kan artikulong ini kun ano an saboot nin Dios manongod sa mga aki asin kun paanong sa dai na mahahaloy tatawan nia nin permanenteng kaginhawahan an gabos na nagtitios nin pagmaltrato.”