Kun Ano an Sasabihon Manongod sa mga Magasin
An Torrengbantayan Hulyo 15
“Sa paghona daw nindo magkakaigwa pa kita nin sarong gobyerno na matao nin solusyon sa mga problema nin katawohan? [Pasimbagon.] Tinokdoan ni Jesus an saiyang mga disipulo na mamibi para sa siring na gobyerno sa saiyang mga tataramon na nakarekord sa Mateo 6:9, 10. [Basahon.] Ipinapaliwanag kan magasin na ini kun taano an Kahadean nin Dios ta nakakalabi kisa sa mga gobyerno nin tawo asin ilinaladawan kaiyan an mga bendisyon na itatao kaiyan sa katawohan.”
Awake! Hulyo
Kun sarong hoben an kaolay, puede nindong sabihon: “Dakol sa kaedad mo an nag-iisip manongod sa pag-agom. Sa paghona mo, saen ka makakanompong nin masasarigan na impormasyon manongod sa temang iyan? [Pasimbagon.] Mangnoha kun siisay an kagpundar kan pag-agom. [Basahon an Mateo 19:6.] Tinotokar kan magasin na ini an nagkapirang prinsipyo sa Biblia tanganing tabangan kita sa pagtogdok nin maogmang pag-agoman.”
An Torrengbantayan Agosto 1
“Ordinaryo na sanang marhay ngonyan na makaheling nin mga tawo na nagmamaltrato sa iba. Sa paghona nindo, mababago daw an mga bagay kun iaaplikar kan dakol na tawo an mga tataramon na ini ni Jesus? [Basahon an Mateo 7:12. Dangan pasimbagon.] Ipinapaheling kan magasin na ini gikan sa Biblia kun paano maootob an pundamental na deretso sa dignidad nin tawo.”
Awake Agosto
“Gabos kita interesado sa marahay na pag-ataman sa salud. Aram daw nindo na dakol na doktor ngonyan an nag-aalangan na mag-ineksion nin dugo? [Pasimbagon.] Ipinapaliwanag kan magasin na ini kun taano. Ipinapaliwanag man kaiyan gikan sa Biblia kun taano ta ibinibilang nin Dios na mahalaga an dugo.” Basahon an Levitico 17:11.