Kun Ano an Sasabihon Manongod sa mga Magasin

An Torrengbantayan Agosto 15

“Gusto niamong hagadon an opinyon nindo manongod sa sarong bagay na sinabi ni Jesus. [Basahon an Mateo 5:5.] Kun maotob na an panugang ini, sa paghona daw nindo magigin kapareho pa ngonyan an mga kamugtakan sa daga? [Pasimbagon.] Ipinapaheling kan magasin na ini basado sa Biblia kun paano babagohon ni Jesus an mga kamugtakan sa daga. Ipinapaliwanag man kaiyan kun sairisay an magmamana kan daga.”

Awake! Agosto

“Sa paghona daw nindo maheheling pa niato giraray an satong nagadan nang mga namomotan? [Pasimbagon.] Mangnohon nindo an panuga ni Jesus manongod sa mga gadan. [Basahon an Juan 5:28, 29.] Ipinapaliwanag kan artikulong ini basado sa Biblia kun ano an nangyayari kun kita magadan.” Itampok an artikulo na minapoon sa pahina 28.

An Torrengbantayan Set. 1

“Dakol na tawo ngonyan an nawaran na nin interes sa relihion. Sa paghona daw nindo makakatabang an pagigin relihioso tanganing an saro magin mas marahay na tawo? [Pasimbagon.] Mangnohon an ihinula kan Biblia na gustong maheling kan nagkapirang tawo sa relihion durante kan huring mga aldaw. [Basahon an 2 Timoteo 4:3, 4.] Ipinapaliwanag kan magasin na ini kun paano nagtatao nin onra sa Dios an tunay na pagsamba asin kun paano kita nakikinabang dian.”

Awake! Set.

“Dakol na tawo an nag-iisip-isip kun baga sientipiko na maniwala sa Dios. Ano daw sa paghona nindo? [Pasimbagon. Dangan basahon an Hebreo 3:4.] Sinisiyasat kan espesyal na isyung ini kan Awake! an ebidensia na naggiya sa nagkapirang sientista na magtubod sa sarong Kaglalang.”