Kun Ano an Sasabihon Manongod sa mga Magasin

The Watchtower Ag. 1

“Oyon daw kamo na an pagkuyog sa pagboot na ini ni Jesus makakadagdag sa kaogmahan sa laog nin pamilya? [Basahon an Juan 13:34. Pasimbagon.] Ipinapaheling kan artikulong ini kun paanong an mga katokdoan asin halimbawa ni Jesus aplikado sa lambang miembro kan pamilya.” Itampok an artikulo sa pahina 16 asin 17.

Awake! Ag.

“Sa heling nindo mapanggana daw na masosolusyonan nin mga gobyerno nin tawo an isyu dapit sa pag-init kan globo? [Pasimbagon. Dangan basahon an Jeremias 10:23.] Magugustohan nindo an artikulong ini. Itinatampok kaiyan an solusyon nin Dios sa mga problema na nagsasapeligro kan satong planeta.”

The Watchtower Set. 1

“An kadaklan na tawo pamilyar sa mga tataramon ni Jesus sa Mateo 6:9. [Basahon.] Pero, dakol an nadedepisilan na makamateng harani sa Dios bilang sarong Ama. Sa heling nindo, paano kita puedeng magin dayupot sa Dios? [Pasimbagon.] Ipinapaliwanag kan magasin na ini an manlaenlaen na kualidad kan satong langitnon na Ama asin kun paano talaga niato sia mamimidbid.”

Awake! Set.

“Sa nag-aging mga siglo, nagkaigwa nin dakol na debate dapit sa ideya na buhay pagkagadan. Ano an opinyon nindo? [Pasimbagon.] Mangnoha an pagtubod na ipinahayag ni Job. [Basahon an Job 14:14, 15.] Ipinapaheling kan mga artikulong ini an pagmansay kan Biblia dapit sa ideya na buhay pagkagadan.”