Kun Ano an Sasabihon Manongod sa mga Magasin

An Torrengbantayan Ag. 15

“An kadaklan na tawo nagpapahalaga sa marahay na reputasyon. Iniisip-isip pa ngani nin nagkapira kun paano sinda magigirumdoman pagkagadan ninda. Napaghorophorop na daw nindo iyan? [Pasimbagon. Dangan basahon an Eclesiastes 7:1.] Tinotokar kan An Torrengbantayan kun paano kita magkakaigwa nin marahay na ngaran sa mga tawo sagkod sa Dios.”

Awake! Ag. 22

“Kun kamo o an sarong miembro kan saindong pamilya napaatubang na sa pagdaogdaog, aram nindo kun gurano iyan kakolog sa boot. [Pasimbagon.] An isyung ini kan Awake! nagtatao nin praktikal na mga suhestion para sa mga biktima nin pagdaogdaog. Tinotokar man kaiyan an panuga nin Dios manongod sa sarong panahon na an buhay biyo nang magigin libre sa siring na mga problema.” Basahon an Miqueas 4:4.

An Torrengbantayan Set. 1

“Dakol an naniniwala na an manlaenlaen na relihion nin katawohan laen-laen sanang dalan na minagiya pasiring sa sasarong pasohan. An iba naniniwala na igwa nin saro sanang tunay na pagtubod. Napaghorophorop na daw nindo ini? [Pasimbagon.] Sinisiyasat kan magasin na ini an sarong suanoy na parabola na nagtataong liwanag sa hapot na ini.” Idoon an Mateo 13:24-​30.

Awake! Set. 8

“An uso sa moda makosog an impluwensia sa buhay nin dakol na tawo ngonyan. Naniniwala an nagkapira na sobra an pagpapahalaga sa kun ano an isinusulot nin mga tawo asin kun ano an itsura ninda. Ano sa paghona nindo? [Pasimbagon.] Iinaatubang kan Awake! an timbang na pagmansay sa moda.” Basahon an Colosas 3:12.