Kun Ano an Sasabihon Manongod sa mga Magasin

An Torrengbantayan Ag. 15

“Ngonyan, an mga tawo naghahanap nin sadol sa dakol na kinokonsulta manongod sa pag-agom asin pagpadakula sa mga aki. Saen daw sa paghona nindo makakakua nin pinakamarahay na hatol? [Pasimbagon.] Tinotokar kan isyung ini kan An Torrengbantayan an nagkapira sa madonong na hatol manongod sa buhay pampamilya na itinao kan Kaglalang nin katawohan.” Basahon an Salmo 32:8.

Awake! Ag. 22

“Gurano daw kaimportante sa paghona nindo na an mga ama dapat na magin interesado sa buhay kan saindang mga aki? [Pasimbagon.] Tinotokar kan isyung ini kan Awake! an nagdadakol na problema nin pabayang mga ama. Ipinapaliwanag man kaiyan kun paano an mga ama magkakaigwa nin positibong epekto sa saindang mga aki.” Basahon an Talinhaga 13:1.

An Torrengbantayan Set. 1

“Kita gabos gustong magin maogma. Sa paghona daw nindo talagang makakapagtao nin kaogmahan an mga bagay na nasambitan digdi? [Basahon an Mateo 5:4a, 6a, 10a. Dangan pasimbagon.] Ipinapaliwanag kan magasin na ini an kahulogan kan mga tataramon na iyan sa bantog na Sermon sa Bukid asin tinotokar kaiyan kun ano pa an kaipuhan tangani na magin maogma.”

Awake! Set. 8

“Kinakalkulo na 1 sa 4 katawo an magkakahelang sa isip pag-abot nin sarong partikular na panahon sa buhay ninda. Dakol sa sato an may midbid na may siring na helang. [Buksan an artikulo.] An artikulong ini nagtatao nin nakakatabang na mga suhestion kun ano an magigibo niato kun may namomotan kita na siring an kamugtakan.”