Kun Ano an Sasabihon Manongod sa mga Magasin

An Torrengbantayan Ag. 15

“Ano sa paghona nindo an pinakahalangkaw na klase nin kaimbodan? [Pasimbagon.] Idinodoon kan artikulong ini an kaimbodan sa tunay na Dios. [Itokdo sa pahina 5, asin basahon an 2 Samuel 22:26.] Aram daw nindo na an kaimbodan sa Dios makakatabang na malikayan nin mga tawo an paggawe na daing pagkamoot sa iba? Aram ko na maoogma kamong basahon an manongod dian.”

Awake! Ag. 22

“Nahahadit na daw kamo na an problema kan katawohan sa polusyon dai na makokontrol? [Pasimbagon.] An pangenot na dahelan kan problema iyo an pagigin marakwa. Tinokdoan ni Jesus an mga parasunod nia na dai magin marakwa. [Basahon an Juan 6:12.] Ipinaheheling kan magasin na ini kun paanong an pagsunod sa mga prinsipyo kan Biblia puedeng makatabang sa mga pamilya na malikayan an mentalidad na pagparaapon.”

An Torrengbantayan Set. 1

“Nariparo daw nindo na sa dakol na lugar an mga magkataed bako nang magkamidbid siring kan dati? [Pasimbagon.] Sinabi ni Jesus an sarong prinsipyo na importanteng marhay sa pagigin marahay na kataed. [Basahon an Mateo 7:12.] Ipinaheheling kan mga artikulong ini kun paano kita puedeng magin marahay na mga kataed asin ineenkaminar an iba na iyo man an gibohon.”

Awake! Set. 8

“Para sa dakol ngonyan, an buhay pano nin kadaihan nin kasegurohan. [Basahon an Eclesiastes 9:11.] Saen daw makakukua nin masasarigan na giya? [Pasimbagon.] An nagkapira minadolok sa numerolohiya. Ini daw an paagi tanganing maaraman an kaaabtan nindo? Saen kamo makakukua nin masasarigan na impormasyon manongod sa ngapit? Itinatao kan Awake! an simbag.”