Pinapahiro Kita kan Pandistritong Kombension na Maglakaw sa Kaibanan nin Dios

Inotro nanggad kan “Maglakaw sa Kaibanan nin Dios” na Pandistritong Kombension an malinaw na instruksion ni Jehova: “Iyo ini an dalan. Maglakaw kamo dian”! (Isa. 30:21) An pag-aplikar kan instruksion na inako niato makakatabang sa sato na ‘magmaan na marhay sa satong paglakaw.’ (Efe. 5:15) An paghorophorop sa nanodan niato makakatabang sa sato mantang kita “padagos na naglalakaw sa katotoohan.”—3 Juan 3.

Gamiton an minasunod na mga hapot kaiba an personal na mga nota nindo sa pag-andam para sa asin pakikikabtang sa repaso kan programa kan nakaaging kombension. Gigibohon an repaso sa Pagtiripon sa Paglilingkod sa semana nin Pebrero 21.

1. Paano nahimo ni Enoc na maglakaw sa kaibanan nin Dios sa ibong kan pamumuhay sa maribok na mga panahon? (Heb. 11:1, 5, 6; Jud. 14, 15; “Maglakaw sa Kaibanan nin Dios sa Maribok na mga Panahon”)

2. Sa anong mga kabtang nin buhay puedeng iaplikar an prinsipyo sa Lucas 16:10? (“Kamo daw ‘Maimbod sa Kadikit’?”)

3. (a) Sambiton an apat na praktikal na leksion na yaon sa Oseas kapitulo 6 sagkod 9 na makakatabang sa sato na maglakaw sa kaibanan nin Dios. (Os. 6:6, 7; 7:14; 8:7) (b) Anong dagdag na punto hale sa Oseas kapitulo 10 sagkod 14 an nakakatabang sa sato na maglakaw sa kaibanan nin Dios? (“Tinatabangan Kita kan Hula ni Oseas na Maglakaw sa Kaibanan nin Dios”—Simposium)

4. Anong praktikal na mga bagay an puedeng gibohon kan Kristianong mga agom na lalaki asin babae tangani na mapagdanay na makosog an saindang pag-agoman? (Tal. 12:4; Efe. 5:29; “Dai Pagsuwayon ‘an Pinagsaro nin Dios’”)

5. Paano kita nagpapaheling nin paggalang sa satong sagradong mga pagtiripon? (Ecl. 5:1; Isa. 66:23; “Pagpaheling nin Paggalang sa Satong Sagradong mga Pagtiripon”)

6. (a) Anong tolong importanteng aspekto kan satong paghuhulit an maninigo niatong analisaron tangani na masegurado na makahulogan an pakikikabtang niato dian? (Isa. 52:7; Zac. 8:23; Mar. 6:34) (b) Anong mga kabtang kan publikasyon na Good News for People of All Nations an naheling nindo na partikularmenteng kapakipakinabang? (“Marahay na Bareta Para sa mga Tawo kan Gabos na Nasyon”; “Pagtabang sa mga Tawong Iba an Lenguahe”)

7. Paano niato puedeng matabangan an mga bagohan na magkaigwa nin kompiansa sa pag-atubang kan mensahe kan Kahadean? (Hok. 7:17; “Pagtabang sa Kadakol na Tawo na Umiba sa Sato sa Ministeryo”)

8. Paano niato ipinapaheling an satong kombiksion na “an dakulang aldaw ni Jehova harani na”? (Sof. 1:14; “Paglakaw Paagi sa Pagtubod, Bakong Paagi sa Pakaheling”)

9. (a) Gurano kaseryoso an bagay dapit sa pagkasingkog? (Mar. 9:42-48) (b) Paano niato malilikayan na masingkog? (Sal. 119:165) (c) Paano niato malilikayan an makasingkog sa iba? (1 Cor. 10:24; “Likayan an ‘Ano Man na Dahelan nin Pagkasingkog’”)

10. Paano niato mapapagdanay an pagkatimbang niato kun dapit sa paghanap nin maaagom, pagmamaigot na magkaigwa nin marahay na salud, asin pag-asikaso sa mga bagay-bagay sa negosyo? (Sal. 26:4; Mat. 6:25; 1 Tim. 6:9; “Lubos na Papagdanayon an Toltol na Pag-iisip”)

11. (a) Ano an mahalagang mangnohon manongod sa mga okasyon na ikinaogma ni Jesus an pagkamapag-istimar nin iba? (Luc. 10:42; 24:32) (b) Paano niato mapapanigoan an mga pangangaipo nin pag-aling-aling sa paagi na nakakarepresko sa sato asin sa iba? (1 Cor. 10:31-33; “Kapakipakinabang na mga Aktibidad na Nakakarepresko”)

12. Oyon sa ika-23 na Salmo, anong mga bendisyon an inaako niato bilang mga karnero ni Jehova, asin ano an satong mga paninimbagan? (1 Cor. 10:21; “Si Jehova an Satong Pastor”)

13. Paano hinihimate kan mga Kristiano an ipinasabong na sadol na ‘tuboson an angay na panahon’? (Efe. 5:16; “Tinutubos an Angay na Panahon”)

14. (a) Ano an kaiba sa ‘oras nin paghokom’ na nasambitan sa Kapahayagan 14:7? (b) Paano kita nagtatao nin ebidensia na kita talagang siblag sa Dakulang Babilonya? (“‘Magdanay Kamong Mapagbantay’—Nagdatong Na an Oras nin Paghokom”) (c) Anong mga punto an nagustohan nindo sa brosyur na Magdanay Kamong Mapagbantay!?

15. Sambiton an tolong kualidad na kaipuhan tangani na dai niato ‘pagbayaan an tanos na dalan.’ (2 Ped. 2:15; “Magmaan na Dai ‘Magbaya sa Tanos na Dalan’”)

16. Paano rarayoan nin mga hoben an “dana kan mga maraot”? (Tal. 4:14; “Mga Hoben—Maglakaw sa Dana nin Katanosan”)

17. (a) Sa anong mga paagi si Pablo marahayon na halimbawa nin pakatagal? (Gibo 14:19, 20; 16:25-33) (b) Taano ta dai kaipuhan na matakot sa mga kalaban nin tunay na pagsamba? (Drama asin an pahayag na “Lubos na Magpatotoo Ngonyan sa Ibong nin Pagtumang”)

18. Anong mga bendisyon an nakakamtan kan mga naglalakaw sa kaibanan nin Dios? (“An Paglakaw sa Kaibanan nin Dios Nagtatao nin mga Bendisyon Ngonyan Asin Sagkod Lamang”)

Magin determinado logod kita na maghimate sa ‘tataramon sa likod niato’ tanganing makalakaw sa kaibanan kan satong langitnon na Ama sagkod lamang.—Isa. 30:21; Juan 3:36.