Mga Pagirumdom sa Memorial

An selebrasyon kan Memorial ngonyan na taon natangod sa Mierkoles, Abril 12. Maninigong tawan nin atension kan kamagurangan an minasunod na mga bagay.

◼ Sa pag-iskedyul kan oras para sa pagtiripon, siertohon na an mga emblema dai ililibot sagkod na dai pa minasolnop an saldang.

◼ An gabos, kabale an ispiker, maninigong paisihon manongod sa eksaktong oras asin lugar kan selebrasyon.

◼ Maninigo na igwa na asin andam na an tamang klase nin tinapay asin arak.—Helingon an Torrengbantayan na Pebrero 15, 2003, p. 14-15.

◼ An mga plato, kopa, asin angay na lamesa patin mantel maninigong darahon na sa tiriponan asin areglaron na antes pa.

◼ Maninigong linigan nang marhay antes pa an Kingdom Hall o ibang lugar na tiriponan.

◼ An mga attendant asin serbidor maninigong pilion asin tawan na nin instruksion antes pa manongod sa saindang mga obligasyon, sa tamang prosedimiento na dapat sunodon, asin sa pangangaipo nin may dignidad na gubing asin pag-alinyar.

◼ Maninigong gumibo nin mga areglo na serbihan an siisay man sa mga linahidan na maluya an hawak asin dai makakaatender.

◼ Kun bako sanang sarong kongregasyon an nakaiskedyul na magamit kan sarong Kingdom Hall, maninigong magkaigwa nin marahay na koordinasyon an mga kongregasyon tangani na malikayan an dai kinakaipuhan na pagsurusuan sa sala palaog o sa entrada, sa pampublikong mga dalan-dalan, asin sa paradahan.