Sarong Halimbawa Para sa Gabos Ano Man an Edad
Sia nagkaigwa nin mainit asin dayupot na relasyon sa Dios. Idinusay nia an saiyang buhay sa paggibo kan kabotan ni Jehova. Sia “naglakaw sa kaibahan kan tunay na Dios” asin binendisyonan sa paggibo kaiyan. Sia si Noe, sarong halimbawa na maninigong arogon pareho kan mga hoben asin gurang. (Gen. 6:9) An videong Noah—He Walked With God tatabangan kamo na iladawan sa saindong isip kun ano an buhay kaidto ni Noe, kun taano ta sia angay na mag-ako kan bendisyon ni Jehova, asin kun paano nindo maaarog an saiyang marahay na mga kualidad.
Kaiba sa videong Noah na nasa DVD an minasunod na “Video Quiz” (sa Bicol, “Mga Hapot na Nasa Video”). Dalanon an video, dangan simbagon nindo an minasunod na mga hapot: (1) Ano an sala na ginibo nin nagkapirang anghel, asin sairisay an mga Nefilim? (Gen. 6:1, 2, 4) (2) Taano ta nagin maraot na gayo an mga tawo, asin ano an nagin saboot nin Dios manongod dian? (Gen. 6:4-6) (3) Paano napapalaen si Noe? (Gen. 6:22) (4) Paano linaglag an mga maraot? (Gen. 6:17) (5) Gurano kadakula an dahong? (Gen. 6:15) (6) Ano pa an ginibo ni Noe, asin ano an nagin reaksion nin mga tawo? (Mat. 24:38, 39; 2 Ped. 2:5) (7) Tigpirira kan kada klase nin hayop an nasa dahong? (Gen. 7:2, 3, 8, 9) (8) Gurano kahaloy na nag-oran, asin gurano kahaloy na an daga biyong sanop kan baha? (Gen. 7:11, 12; 8:3, 4) (9) Taano ta nakaligtas si Noe asin an saiyang pamilya? (Gen. 6:18, 22; 7:5) (10) Saen suminadsad an dahong? (Gen. 8:4) (11) Paano naaraman ni Noe na ligtas nang lumuwas sa dahong? (Gen. 8:6-12) (12) Ano an ginibo ni Noe pagluwas nia? (Gen. 8:20-22) (13) Ano an irinerepresentar kan hablondawani? (Gen. 9:8-16) (14) Ano an kahulogan kan ‘lumakaw sa kaibahan kan Dios’? (Gen. 6:9, 22; 7:5) (15) Ano an hinahagad sa sato tangani na maheling niato si Noe sa Paraiso? (Mat. 28:19, 20; 1 Ped. 2:21)
Ano an itinokdo sa saindo kan estorya sa Biblia kan maimbod asin makinuyog na si Noe manongod sa kun paano man kamo ‘makakalakaw sa kaibahan nin Dios’ asin magkakaigwa nin kompiansa sa kakayahan ni Jehova na iligtas an saiyang banwaan sa presenteng aldaw?—Gen. 7:1; Tal. 10:16; Heb. 11:7; 2 Ped. 2:9.