Sampol na mga Presentasyon

Tanganing makapoon nin mga pag-adal sa Biblia sa enot na Sabado kan Hulyo

“Dakol an paorootrong nagsasambit kan mga tataramon na ini hale sa Pamibi kan Kagurangnan: ‘Dumatong logod an kahadean mo. Guibohon an boot mo, digdi sa daga nin siring sa lagñit.’ Sa paghona nindo, ano an Kahadean na iyan? [Pasimbagon.] Yaon sa tekstong ini sa Biblia an simbag.” Basahon an Daniel 2:44. Dangan itao sa kagharong an kopya kan isyu nin Hulyo-Setyembre na An Torrengbantayan asin basahon saka pag-olayan nindo an enot na subtema sa pahina 16. Ialok an mga magasin, asin iareglo na magbalik asin pag-olayan an simbag sa sunod na hapot.

An Torrengbantayan Hulyo-Setyembre

“Huling an buhay halipot asin pano nin mga problema, dakol an nag-iisip-isip kun ano an kahulogan kan buhay. Napag-isip-isip na daw nindo iyan? [Pasimbagon.] An Biblia nanunuga na dai pirmeng magigin siring kaini an buhay. [Basahon an Kapahayagan 21:4.] Ipinapaliwanag kan magasin na ini an katuyohan nin Dios para sa daga asin an nagkapirang bagay na puede tang gibohon tanganing magkaigwa nin tunay na kahulogan an satong buhay dawa ngonyan.”

Awake! Hulyo

Magsambit nin sarong trahedya na nasa bareta. Dangan sabihon: “Sa paghona nindo, taano ta tinotogotan nin Dios na mangyari an siring na mga bagay? [Pasimbagon.] Oyon sa Biblia, nagmamalasakit an Dios sa mga nagsasakit. [Basahon an Exodo 3:7.] Sinasabi man sa sato kan Biblia kun taano ta tinotogotan nin Dios an pagsakit asin na sa dai na mahahaloy hahaleon nia iyan sagkod lamang. Ipinapaliwanag iyan kan magasin na ini.”