Sampol na mga Presentasyon

Sa Pagpuon nin mga Pag-adal sa Bibliya sa Inot na Sabado nin Hulyo

“May halipot kaming pagdalaw tanganing ipakipag-ulay an interesanteng hapot na ini. [Ipahiling an inot na hapot sa likod kan An Torrengbantayan na Hulyo-Agosto.] Ano sa paghuna nindo?” Pasimbagon. Pag-ulayan an inot na hapot asin kisiyera saro sa sitadong mga teksto. Ialok an magasin, asin iareglo na pag-ulayan an sunod na hapot.

An Torrengbantayan Hulyo-Agosto

“Mga 6,000,000 an nagagadan kada taon sa pagsigarilyo. Sa hiling nindo, may magigibo pa daw tanganing mabawasan ini? [Pasimbagon.] Dakul an natatabangan na magpundo o dai na talaga magsigarilyo kan maaraman ninda an paghiling diyan nin Diyos. Halimbawa, an bersikulong ini sa Bibliya an nakapahiro sa dakul na isipon man kun paano nakakaapektar sa iba an pagsigarilyo. [Basahon an 1 Corinto 10:24.] Ipinapaliwanag sa magasin na ini kun paanong an pakaaram sa kun ano an paghiling nin Diyos sa pagsigarilyo nakakapahiro sa saro na punduhon iyan.”

Awake! Hulyo

“Dai ta aram kun nuarin, pero haros gabos kita maagi nin trahedya, arog nin kalamidad, grabeng hilang, o magadanan nin mahal sa buhay. Pag nangyari iyan, sa hiling nindo importante daw na padagos kitang magin positibo? [Pasimbagon.] Dakul an nakapagsabi na nakakatabang an Bibliya para makayanan an mga trahedya. [Basahon an Roma 15:4.] Ipinapaliwanag kan magasin na ini kun paano makakatabang sa sato an Bibliya pag nag-aagi kita nin trahedya.”