An Kampanya nin Pag-imbitar sa Memoryal Mapuon sa Marso 22

Sa taon na ini, an satong kampanya na imbitaran an iba na mag-atender sa Memoryal mapuon sa Sabado, Marso 22. Dinadagka an gabos na lubos na makikabtang. Sarong sampol na presentasyon an yaon sa pahina 4. Pag Sabado asin Domingo iaalok ta man an bagong mga magasin kun angay. Sa inot na Sabado nin Abril, makonsentrar kita sa pagdistribwir kan mga imbitasyon imbes na sa pagpuon nin pag-adal sa Bibliya. Pero, kun may makaulay kitang interesadong marhay, puwede pa man giraray kitang makapuon nin pag-adal sa Bibliya. Puwedeng determinaron kan paraataman sa paglilingkod kun baga an pagdistribwir kaiyan paagi sa pagpapatotoo sa publiko makakatabang sa kongregasyon na mapaabutan an mas dakul na tawo sa teritoryo. Para makaatender man an mga kamidbid ta arog kan satong mga paryente, katrabaho, kaeskuwela, asin dinadalaw liwat, gumibo na ngunyan nin listahan kan mga gusto mong imbitaran asin tawan sinda nin imbitasyon pagkapuon kan kampanya. Naglalaom kita na dakul an maiba sa sato mantang ginigirumdom ta an duwang kadurudakulaing kapahayagan nin pagkamuot.—Juan 3:16; 15:13.