Pagpapaliwanag kan Satong Paniniwala Manungod sa 1914

Dinadagka kita kan Kasuratan na magin “andam na gumibo nin pagdepensa” sa satong paniniwala, na “ginigibo iyan na may mahuyong buot asin hararom na paggalang.” (1 Ped. 3:15, NW) Pero an totoo, tibaad magin dipisil sa sato na ipaliwanag an hararom na mga katotoohan sa Bibliya, siring kan kun paano ta naaraman na nagpuon nang mamahala an Kahadian kan 1914. Para tabangan kita, inandam an duwang-kabtang na serye na “A Conversation With a Neighbor​—When Did God’s Kingdom Begin Ruling?” Mahihiling an mga artikulong ini sa isyu kan The Watchtower na Oktubre asin Nobyembre. Mantang sinisiyasat mo an mga artikulong ini, pag-isipan an minasunod na mga hapot dapit sa pamamaagi nin pakikipag-ulay ni Cameron, an parahayag sa senaryo.

Paano niya . . .

• ginamit an komendasyon para magkaigwa nin puntong mapagkakauyunan?​—Gui. 17:22.

• ipinahiling an kapakumbabaan pag ipinapaliwanag an saiyang paniniwala?​—Gui. 14:15.

Taano ta marahay na . . .

• sinusumaryo niya nguna an napag-ulayan bago magtao nin dagdag na mga punto?

• kun minsan minapundo nguna siya asin naghahapot sa kagharong kun baga naiintindihan kaini an saiyang paliwanag?

• dai siya nagtatao nin kadakul-dakul na impormasyon sa sarong pag-urulay?​—Juan 16:12.

Nagpapasalamat nanggad kita ki Jehova, an satong “Kahuruhalangkawing Instruktor,” sa pagtutukdo sa sato kun paano ipapaliwanag an hararom na mga katotoohan sa Bibliya sa mga tawong napapaha diyan!​—Isa. 30:20, NW.