Ihiras an ‘Marahay na mga Bagay’ Paagi sa Pagigin Mapag-istimar (Mat. 12:35a)

Daing duda na gabos kita gustong maghiras sa iba nin ‘marahay na mga bagay’ paagi sa pagigin mapag-istimar. (Roma 12:13) An mga elder an nanginginot sa pag-istimar sa inimbitaran na ispiker asin sa pagtao nin reimbursement sa pamasahe. Minsan siring, tibaad mag-alangan kitang mag-istimar nin bisita huli sa limitado tang kakayahan sa pinansiyal, o tibaad nasusupog kitang magpadagos sa satong harong. Matatabangan kitang mawara an arog kaiyan na sabuot kun isasapuso ta an sadol ni Jesus ki Marta. (Luc. 10:39-42) Idinuon ni Jesus na an “marahay na kabtang” sa pagigin mapag-istimar iyo an pakikiasosyar asin pagpakinurusog-kusugan, bako an magarbong handa o magagayon na dekorasyon sa harong. Kun susunudon ta an sadol na ini, gabos kita makakahiras nin ‘marahay na mga bagay’ sa satong mga tugang arog kan sinasabi sa sato kan Tataramon nin Diyos.​—3 Juan 5-8.