Pagpauswag kan Satong Kakayahan sa Ministeryo​—Sanayon an mga Baguhan

Kun Taano ta Mahalaga: Kaipuhan na manudan kan bagong mga disipulo ni Jesus na utubon “an gabos na bagay” na ipinagbuot niya, kaiba na an pagtutukdo nin katotoohan. (Mat. 28:19, 20) Dakul na baguhan an nakaenrol na sa Paadalan sa Pagmiministro asin posibleng nagpapatotoo na nin impormal sa mga kapamilya o katuod. Pero, mantang mas napapahalagahan ninda an saindang nanunudan asin naaaraman ninda na gusto ni Jehova na an gabos na tawo makadangog kan maugmang bareta, tibaad magsabi sinda na gusto na nindang umiba sa ministeryo sa langtad. (Roma 10:13, 14) Pag naaprubaran nang magin dai pa bawtisadong parahayag, makakatabang an marahay na pagsasanay tanganing magkaigwa sinda nin urog na kumpiyansa sa saindang lakdang na umuswag sa espirituwal.​—Luc. 6:40.