Gusto ni Jehova na Gikan sa Buot Kitang Maglingkod sa Saiya

Naggibo nin mga preparasyon si Esdras bago magbalik sa Jerusalem

7:6, 22; 8:26, 27

• Tinawan si Esdras nin permiso ni Hading Artajerjes na magbalik sa Jerusalem para suportaran an pagsamba ki Jehova duman

• Itinao kan hadi an ‘gabos na hinagad ni Esdras’ para sa harong ni Jehova—bulawan, pirak, trigo, arak, lana, saka asin; an gabos na iyan aabuton nin labing $100,000,000 (U.S.) an kantidad sa modernong panahon

Nagtiwala si Esdras na poprotektaran ni Jehova an Saiyang mga lingkod

7:13; 8:21-23

• Masakit an pagbalik sa Jerusalem

• An posibleng aagihan na ruta haros 1,600 kilometros (1,000 milyas) asin peligroso pa

• Inabot nin mga 4 na bulan an pagbaklay

• Kinaipuhan kan mga nagbaralik an makusog na pagtubod, kaigutan para sa tunay na pagsamba, asin kusog nin buot

NAGBAKLAY SI ESDRAS NA MAY DARANG . . .

Bulawan asin pirak na an gabat labing 750 talento o mga kasinggabat nin 3 darakula nang lalaking African elephant!

MGA KADIPISILAN NA INAGIHAN KAN MGA NAGBARALIK . . .

Mga tulisan, masakit na pagbaklay sa disyerto, peligrosong layas na mga hayop