Ginagamit Mo Daw an JW Library?

An JW Library sarong libreng app (software application) na paagi kaiyan makaka-download ka nin Bibliya asin iba pang publikasyon, video, asin mga audio recording sa saimong cellphone, tablet, o computer.

PAANO MAG-DOWNLOAD KAIYAN? Mag-Internet asin i-install an JW Library na makukua sa app store. Puwedeng mag-download kan app na iyan sa manlain-lain na mobile device. Mantang naka-online, buksan an app asin pilion an mga gusto mong i-download. Kun mayo kamong Internet, tibaad puwede mong gibuhon iyan sa Kingdom Hall, sa pampublikong librarya, o sa mga lugar na may Internet. Pag na-download mo na an mga publikasyon, dai mo na kaipuhan nin Internet para mabuksan iyan. Pero, huling may mga bagong feature na regular na nadadagdag sa JW Library, kaipuhan mong mag-online sa pana-panahon para mag-update.

PARA SAIN IYAN? Paagi sa JW Library, mas kumbenyenteng mag-personal study asin sumubaybay sa panahon nin mga pagtiripon. Kapaki-pakinabang man iyan sa ministeryo, lalo na sa impormal na pagpapatotoo.