Kun Paano Gagamiton an JW Library

SA PAG-ADAL:

• Basahon an Bibliya asin an pang-aroaldaw na teksto

• Basahon an Yearbook, mga magasin, asin iba pang publikasyon. Gamiton an bookmark

• Mag-andam para sa pagtiripon sa kongregasyon, asin markahan an mga simbag

• Magdalan nin mga video

SA MGA PAGTIRIPON:

• Hilingon an mga tekstong sinambit kan ispiker. Gamiton an history para mabalikan an teksto

• Imbes na darahon sa pagtiripon an manlain-lain na imprentadong publikasyon, gamiton an saimong mobile device sa pagsubaybay sa mga kabtang asin pagkanta kan mga awit. May mga bagong kanta sa JW Library na mayo pa sa imprentadong songbook

SA MINISTERYO:

• Pumili sa JW Library nin ipapahiling sa sarong interesado, dangan tabangan siyang i-download an app asin mga publikasyon sa saiyang mobile device

• Gamiton an search para mahanap an sarong teksto sa Bibliya. Kun mayo an sarong frase sa rebisadong New World Translation, ilipat sa Reference Bible asin i-search giraray

• Magpahiling nin video. Kun may mga aki an kagharong, puwede kang mag-play nin saro sa mga video kan Magin Katuod ni Jehova. O puwede mong ipahiling an video na Ta’no ta Kaipuhan Mag-adal nin Bibliya? para mapukaw an interes sa pag-adal nin Bibliya. Kun iba an lengguwahe kan kaulay ta, magpahiling nin video sa lengguwahe niya

• Ipahiling sa kaulay mo an sarong teksto sa ibang lengguwahe na na-download mo. Buksan an teksto, i-tap an bersikulo, dangan i-tap an icon na mabukas sa iba-ibang bersiyon kaiyan