Gamiton an jw.org sa Saimong Ministeryo​—“Become Jehovah’s Friend”

An seksiyon sa jw.org na “Bible Teachings” may feature para sa mga aki na inaapod na “Become Jehovah’s Friend,” na may mga kanta, video, asin activity. An nagkapira sa mga video mahihiling man sa jw.org/bcl na Web site. Nagamit mo na daw ini sa saimong ministeryo? Kun may saradit pang aki an tinutukduan mo sa Bibliya, taano ta dai iyan ipahiling sa saiya? Puwedeng maengganyar siya kaini na hilingon an iba pang laog kan satong Web site.

Mantang nagdidistribwir kan Kingdom News Num. 38, nanumpungan nin sarong brother an sarong babayi na tulos-tulos binasa an tract pagkatao niya. May saradit pa ining aki na nag-uusyoso sa tract. Ipinaliwanag kan brother sa halipot an mga laog kan tract dangan itinukdo an satong Web address na nasa likod kaiyan. Huling interesado an babayi, ipinahiling kan brother an saro sa mga video ni Caleb gamit an saiyang mobile device.

Sinabi nin sarong sister sa katrabaho niyang babayi, na may saradit pang aki, an manungod sa satong Web site asin an mga impormasyon diyan para sa pamilya. Pighiling kan babayi an jw.org kaiba an saiyang mga aki. Dai nahaloy, inistorya kan babayi na sa harong ninda pigkukurukanta na kan mga aki an “Preach the Word,” na saro sa mga kanta sa “Become Jehovah’s Friend.”

Magin pamilyar sa feature na ini kan jw.org, asin mag-download nin video, kanta, o aktibidad sa saimong mobile device. Sa siring magigin handa kang gamiton sa ministeryo an seksiyon na ini kan jw.org. Sarong magayunon na pantabang na magagamit ta sa pagpapauripon sa Kagurangnan!​—Gui. 20:19.