Opisyal na Web Site—Dinisenyo Para sa Sato Asin sa Iba

Sinugo kita ni Jesus na ihulit an maogmang bareta kan Kahadean ‘sa bilog na kinaban sa pagpatotoo sa gabos na nasyon.’ (Mat. 24:14) Tanganing tabangan kita na lubos na ‘maotob an satong paglilingkod,’ an watchtower.org, jw-media.org, asin jw.org pigsararo sa binago an disenyo na Web site na jw.org.—2 Tim. 4:5.

“Bilog na Kinaban”: Mga un-tersio kan populasyon kan kinaban an naggagamit nin Internet. Para sa dakol, lalo na an mga hoben, iyan an pangenot na pigkukuanan nin impormasyon. An satong site nagtatao sa mga naggagamit nin Internet nin tamang simbag sa mga hapot sa Biblia. Paagi kaiyan, namimidbid ninda an organisasyon ni Jehova asin madali para sa sainda na mag-request nin libreng pag-adal sa Biblia. Nakakatabang iyan na makaabot an maogmang bareta sa mga lugar na dikit an oportunidad nin mga tawo na madangog an mensahe kan Kahadean.

‘Gabos na Nasyon’: Tanganing makapagpatotoo sa ‘gabos na nasyon,’ dapat tang ipresentar an katotoohan sa Biblia sa laen-laen na lenguahe. An mga naglalaog sa jw.org madaling makakahanap nin impormasyon sa mga 400 na lenguahe, na mas dakol kisa sa arin man na iba pang Web site.

Gamiton na Marhay Iyan: An katuyohan kan binago an disenyo na Web site na jw.org bako sanang para sa pagpatotoo sa mga bakong kapagtubod. Dinisenyo iyan para magamit man kan mga Saksi ni Jehova. Kun naggagamit kamo nin Internet, dinadagka mi kamo na magin pamilyar sa jw.org. Uni an nagkapirang suhestion kun paano iyan gagamiton.

[Diagram sa pahina 3]

(Para sa aktuwal na format, hilingon an publikasyon)

Probaran

1 I-type an www.jw.org sa address field kan Internet browser kan kompyuter.

2 Siyasaton an site paagi sa pag-click kan section headings, menu options, asin links.

3 Probaran na gamiton an jw.org sa mobile device na nakakakonektar sa Internet. An page layout nag-a-adjust tanganing magkaigo an impormasyon sa sadit na screen.