Magkua nin Kadunungan Para sa Pang-aroaldaw na Pamumuhay sa JW.ORG

Itinatao sato kan Tataramon nin Diyos an gabos na kaipuhan ta para makayanan an mga kadipisilan sa masakit na huring mga aldaw na ini. (2Ti 3:1, 16, 17) Pero, kun minsan kaipuhan ta nin tabang para mahanap an mga prinsipyo sa Bibliya na angay sa sarong espesipikong sitwasyon. Halimbawa, saro ka daw na magurang na naghahanap nin sadol sa pagpadakula nin mga aki? Saro ka daw na tin-edyer na napapaatubang sa mga pagbalo sa saimong pagtubod? Saro ka daw na balo na nagmumundo sa pagkagadan kan saimong agom? May makukua kang mga impormasyon sa jw.org na makakatabang saimo na mahanap an espesipikong mga prinsipyo sa Bibliya na makakatabang saimo sa mga sitwasyon na iyan asin sa iba pang mga sitwasyon.—Tal 2:3-6.

Sa home page kan jw.org, i-click an tab na TUKDO KAN BIBLIYA. (Hilingon an ritrato 1.) Dangan sa drop-down list, pilion an kategoriya na gusto mo. O i-click an LIBRARYA > MGA SERYE NIN ARTIKULO asin an kategoriya na gusto mo. (Hilingon an ritrato 2.) May mahihiling ka man na arog kaiyan na mga kategoriya sa JW Library^®.a Puwede mong ma-enjoy an pagbasa nin dawa anong artikulo sa arin man na lokasyon na iyan. O puwede ka man maghanap nin espesipikong tema gamit an search feature sa jw.org.

I-type sa search box an minasunod na mga tema, asin ilista an mga artikulo na gusto mong basahon.

• Pagpadakula nin mga aki

• Depresyon nin mga tin-edyer

• Pagkagadan nin agom