Dai Sasayumahan ni Jehova an mga Nalugadan an Puso

Isinurat ni David an Salmo 51 pakatapos na sabihon saiya kan propetang si Natan an magabat na pagkakasala niya may koneksiyon ki Bat-seba. Nakonsiyensiyang marhay si David kaya mapakumbaba siyang nagsulsol.—2Sa 12:1-14.

Maski nagkasala si David, puwede pa man giraray siyang maumayan sa espirituwal

51:3, 4, 8-12, 17

• Bago magsulsol si David asin magtuga kan kasalan niya, nakamati siya nin grabeng kamunduan huling nakonsiyensiya siya

• Grabe an pagsakit niya huling napamundo niya an Diyos asin pagmati niya garo nagkarurunot an mga tulang niya

• Gusto niyang mapatawad siya, maumayan sa espirituwal, asin maibalik giraray an kaugmahan niya

• Mapakumbaba siyang nakimahirak ki Jehova na tabangan siyang magin masinunod

• Nagtitiwala siya na papatawadon siya ni Jehova