Sanayon Sinda na Padagos na Paglingkudan si Jehova

Sigun sa mga eksperyensiya, pag sinanay tulos an mga baguhan na magin regular asin maigot sa pakikikabtang sa ministeryo, sa parati nagigin mas epektibo sindang mga parahayag. (Tal 22:6; Flp 3:16) Uni an nagkapirang suhestiyon kun paano mo matatabangan an sarong tinutukduan na magkaigwa nin marahay na pundasyon sa ministeryo:

• Pag an tinutukduan mo sa Bibliya naaprubaran nang magin sarong parahayag, sanayon tulos siya. (km 8/15 1) Iduon saiya an kahalagahan kan surusemanang pakikikabtang sa ministeryo. (Flp 1:10) Magsabi nin positibong mga bagay dapit sa teritoryo. (Flp 4:8) Dagkahon siyang makapartner sa ministeryo an paraataman nin grupo asin an ibang mga parahayag para makinabang siya sa mga eksperyensiya ninda.​—Tal 1:5; km 10/12 6 ¶3

  

• Pagkatapos na mabawtismuhan an saimong tinutukduan, padagos siyang pakusugon asin sanayon sa ministeryo, lalo na kun dai pa niya natatapos an librong “Pagkamuot nin Dios.”​—km 12/13 7

  

• Gumamit nin simpleng presentasyon pag bagong parahayag an kapartner mo sa ministeryo. Pagkatapos na madangog an saiyang presentasyon, tawan siya nin komendasyon. Magtao nin mga suhestiyon na makakatabang sa saiya na magin mas epektibo sa ministeryo.​—km 5/10 7