“Magdanay Kamong Mapagbantay”

25:1-12

Dawa ngani para sa linahidan na mga parasunod ni Jesus an parabula dapit sa sampulong daraga, an pundamental na mensahe kaiyan aplikado sa gabos na Kristiyano. (w15 3/15 12-16) “Kun siring, magdanay kamong mapagbantay huli ta dai nindo aram an aldaw ni an oras.” (Mat 25:13) Kaya mo daw ipaliwanag an parabula ni Jesus?

• Nobyo (ber. 1)—Si Jesus

• Mapagmansay, andam na mga daraga (ber. 2)—Linahidan na mga Kristiyano na andam na isagibo an saindang asignasyon nin may kaimbudan asin na nagliliwanag bilang mga ilaw sagkod sa katapusan (Flp 2:15)

• An pagkurahaw: “Yaon na an nobyo!” (ber. 6)—Tanda kan presensiya ni Jesus

• Mangmang na mga daraga (ber. 8)—Linahidan na mga Kristiyano na nagluwas tanganing sabaton an Nobyo alagad dai nagdanay na mapagbantay asin dai napagdanay an saindang integridad

• Dai nagtugot na magtao kan saindang lana an mapagmansay na mga daraga (ber. 9)—Pagkatapos kan pangultimong pagtatak, huri nang marhay para sa maimbod na mga linahidan na tabangan an siisay man na dai nagin maimbod

• “Nag-abot an nobyo” (ber. 10)—Si Jesus maabot tanganing maghukom sa panahon na madali nang matapos an dakulang kahurasaan

• An mapagmansay na mga daraga nagralaog sa bangkete sa kasal kaiba an nobyo, asin isinara an pinto (ber. 10)—Tinipon ni Jesus sa langit an saiyang maimbod na mga linahidan, pero naiwara kan mga bakong maimbod an saindang balos sa langit