PAMUMUHAY BILANG KRISTIYANO

Paghuhulit Asin Pagtutukdo—Mahalagang Marhay sa Paggibo nin mga Disipulo

Pinagbutan ni Jesus an saiyang mga parasunod na padumán asin gumibo nin mga disipulo. (Mat 28:19) Kalabot digdi an paghuhulit asin pagtutukdo. Sa pana-panahon, marahay na haputon niyato an satong sadiri, ‘Paano ako mauswag sa mahalagang marhay na mga aspektong ini nin paggibo nin mga disipulo?’

PAGHUHULIT

Imbes na halaton an mga tawo na dumulok sa sato, dapat na maigot niyatong hanapon an mga “maninigo.” (Mat 10:11) Pag nasa ministeryo, alisto daw kita sa mga oportunidad na kaulayon an siisay man na tawong yaon? (Gi 17:17) Si Lydia nagin disipulo huli sa kaigutan ni apostol Pablo sa paghuhulit.—Gi 16:13-15.

Si Samuel na inaalukan nin magasin si Ezekiel; si Solomon asin Mary na hinuhulitan si Ezekiel asin Abigail — ‘[Isabwag] mo pagkaaga an saimong banhi, asin [sagkod sa banggi] dai mo pagpahingaluan an saimong kamot’ (Par 11:6)

HILINGON AN VIDEO NA PADAGOS NA MAGHULIT NIN “DAING PUNDO”—IMPORMAL NA PAGPAPATOTOO ASIN SA HARONG-HARONG, DANGAN SIMBAGON AN MINASUNOD NA MGA HAPOT:

Sa saiyang pang-aroaldaw na rutina, paano ipinahiling ni Samuel na maigot siyang naghahanap nin oportunidad na magtanom kan mga banhi nin katotoohan?
Taano ta dapat kitang magmaigot sa gabos na klase nin paghuhulit?
Siisay an puwede mong hulitan kan mensahe kan Kahadian sa pang-aroaldaw mong rutina?

PAGTUTUKDO

Sa paggibo nin mga disipulo, bako sanang basta pagwalat nin literatura sa mga tawo an dapat tang gibuhon. Tanganing matabangan sindang tumalubo sa espirituwal, kaipuhan tang magdalaw liwat asin magkondukta nin mga pag-adal sa Bibliya. (1Co 3:6-9) Pero, paano kun mayo kitang nahihiling na pag-uswag dawa hinihinguwa tang itukdo sa saro an katotoohan dapit sa Kahadian? (Mat 13:19-22) Dapat na padagos niyatong hanapon an mga may pusong arog sa “marahay na daga.”—Mat 13:23; Gi 13:48.

Si Solomon asin Mary na tinutukduan sa Bibliya si Ezekiel asin Abigail; si Ezekiel asin Abigail na nagpapatotoo sa publiko — “Ako an nagtanom, si Apolos an nagbaribi, alagad Diyos an padagos na nagpapatalubo kaiyan” (1Co 3:6)

HILINGON AN VIDEO NA PADAGOS NA MAGHULIT NIN “DAING PUNDO”—SA PAMPUBLIKONG MGA LUGAR ASIN GUMIBO NIN DISIPULO, DANGAN SIMBAGON AN MINASUNOD NA MGA HAPOT:

Paano binaribi ni Solomon asin Mary an mga banhi nin katotoohan sa puso ni Ezekiel asin Abigail?
Ano an dapat na magin pasuhan ta sa gabos na aspekto kan satong ministeryo, pati na sa pagpapatotoo sa publiko?
Paano ta matatawan nin mas urog na pokus an pagtutukdo kan katotoohan sa iba?