Social Networking—Likayan an Nakatagong mga Peligro

KUN TAANO TA MAHALAGA: Arog kan dakul na kasangkapan, an paggamit nin mga social network puwedeng makatabang o makaraot. An pirang Kristiyano nagdesisyon na dai maggamit kaiyan. An ibang Kristiyano ginagamit iyan para makikomunikar sa saindang mga kapamilya asin amigo. Pero, gusto kan Diyablo na gamiton ta sa salang paagi an mga social network para maraót an satong reputasyon asin an satong espirituwalidad. Arog ni Jesus, puwede tang gamiton an mga prinsipyo sa Tataramon nin Diyos para maaraman an mga peligro asin malikayan iyan.—Lu 4:4, 8, 12.

MGA NAKATAGONG PELIGRO NA DAPAT LIKAYAN:

• Sobrang paggamit nin social media. An sobrang paggamit nin mga social network o social media puwedeng makaubos kan satong mahalagang panahon na para kuta sa espirituwal na mga bagay

  Prinsipyo sa Bibliya: Efe 5:15, 16; Flp 1:10

• Paghiling nin kuwestiyonableng mga materyal. An paghiling sa nakakaakit na mga ritrato puwedeng magresulta sa pagkaadikto sa pornograpiya o imoralidad. An pagbasa nin mga blog o artikulo sa Internet na ginibo nin mga apostata puwedeng makaraot sa pagtubod nin saro

  Prinsipyo sa Bibliya: Mat 5:28; Flp 4:8

• Pag-post nin mga komento o mga ritrato na bakong angay. Huling an puso madaya, posibleng magkaigwa nin tendensiya an saro na mag-post sa social network nin komento o ritrato na bakong angay. Minsan siring, puwedeng makaraot iyan sa reputasyon nin saro o makapaluya kan saiyang pagtubod

  Prinsipyo sa Bibliya: Ro 14:13; Efe 4:29

HILINGON AN VIDEO NA MAGIN MADUNONG SA PAGGAMIT NIN SOCIAL NETWORK, DANGAN REPASUHON AN MGA PAAGI PARA MALIKAYAN AN MINASUNOD NA MGA SENARYO: